ကပ်နိုင်ရင် ကားတစ်စီးရမယ့် Subaru Impreza Challenge 2008

လုပ်ရမှာက လွယ်လွယ်လေးပါ။ ရပ်ထားတဲ့ အသစ်စက်စက် Subaru အမျိုးအစား ကားတစ်စီးကို လက်ဝါးကလေးနဲ့ ကပ်ထားရုံလေးပါ။ အကြာဆုံးကပ်နိုင်ရင် စင်ကာပူဒေါ်လာ ၈ သောင်းတန်တဲ့ Subaru ကားတစ်စီး အပိုင်ပေးပါမယ်တဲ့။ မယုံမရှိပါနဲ့။ ဒါနဲ့ဆို ဒီပြိုင်ပွဲကို စင်ကာပူမှာ ကျင်းပလာတာ ၇ ကြိမ်ပြည့်ပါပြီ။ တကယ်အကြာဆုံးကပ်နိုင်သူကို တကယ်ချီးမြှင့်လာတဲ့ Subaru ရဲ့ Promotion ပွဲတစ်မျိုးပါပဲ။

လွယ်တယ်ဆိုလို့ ငါတို့လည်းကပ်မယ်ဆိုပြီး ပလက်ကုလားထိုင်လေး၊ ဝတ္ထုစာအုပ်လေးနဲ့ စီးကရက်ဗူးလေးတွေ ယူလာပြီး ဇိမ်ကလေးနဲ့ ထိုင်ကပ်နေလို့တော့မရပါဘူး။ ပြိုင်ပွဲဝင်မယ့်လူတွေကို စိတ်ပိုင်းနဲ့ ရုပ်ပိုင်းဆိုင်ရာ ဆေးစစ်မှုတွေ အရင်လုပ်ပါတယ်။ ပြီးတော့ အဆင့်ဆင့်ယှဉ်ပြိုင်ရပါသေးတယ်။ အဲဒီထဲကမှ လက်ရွေးစင် ၃၆၀ က ယှဉ်ပြိုင်ခွင့်ရပါတယ်။ ဒီနှစ်မှာတော့ ထူးခြားချက်အနေနဲ့ ဒေသတွင်းက Subaru ရုံးခွဲရှိတဲ့ နိုင်ငံတွေက ယှဉ်ပြိုင်နိုင်သူ လက်ရွေးစင် ၄၀ ကိုလည်း ဖိတ်ခေါ်ထားပါတယ်။ မလေးရှား၊ ဟောင်ကောင်၊ ထိုင်းနဲ့ ဖိလစ်ပိုင်တို့က အဆင့်ဆင့် ရွေးချယ်ပြီးသား လက်ရွေးစင် ၁၀ ယောက်စီနဲ့ လူ ၄၀၊ စင်ကာပူလူခံ ၃၆၀ ပေါင်း ၄၀၀ က မနေ့က နေ့လည်က စတင်ပြီး Nee Ang City ရင်ပြင်မှာ ယှဉ်ပြိုင်နေပါပြီ။ တကယ်လို့ စင်ကာပူပြင်ပက လူ ၄၀ ထဲကများ ဗိုလ်စွဲခဲ့ရင် ထပ်စောင်းဆုကြေးငွေ ဒေါ်လာ ၅ ထောင်ပေါင်းပေးမှာ ဖြစ်ပါတယ်။

ပြိုင်ပွဲဝင် စည်းကမ်းတွေကတော့ အတော်လေးများပါတယ်။ ပြိုင်ပွဲကို ဟမ်းဖုံး၊ စာအုပ်၊ MP3 Player၊ အစားအသောက်၊ တစ်ရှူးစတာတွေ ယူလာခွင့်မရှိပါဘူး။ ၆ နာရီယှဉ်ပြိုင်ပြီးပါမှ ၅ မိနစ်အနားရပါတယ်။ ၅ မိနစ်အတွင်း ပြိုင်ပွဲကပံ့ပိုးတဲ့ အစားအသောက်တွေ စားခွင့်ရှိသလို အိမ်သာသွားခွင့်၊ လှဲလျောင်းခွင့်တွေလည်း ရပါတယ်။ အနားယူတဲ့ ၅ မိနစ်အတွင်း မိသားစုဝင် တစ်ယောက်နဲ့သာ တွေ့ခွင့်ရှိပါတယ်။ ၅ မိနစ်ပြည့်တဲ့အချိန်မှာ ကိုယ်ကပ်နေတဲ့ကားရဲ့ သက်ဆိုင်ရာ လက်ဝါးအရာနေရာမှာ ပြန်ရောက်နေပြီးသား ဖြစ်ရမှာပါ။ ဒါတွေကတော့ အဓိက စည်းကမ်းကြီးတွေပါ။ တကယ်တော့ စည်းကမ်းချက်ပေါင်း ၃၀ ကျော်ရှိပါတယ်။

ဟုတ်ကဲ့ ... ငါဆို ဘယ်လောက်ကြာကြာကပ်နိုင်မလဲလို့ ကိုယ့်ကိုကိုယ် ပြန်မေးခွန်းထုတ်နေပါသေးလား။ မနှစ်က ပြိုင်ပွဲဝင်သူ ၃၈၇ ယောက်ထဲက ချန်ပီယံဖြစ်သွားတဲ့ အမျိုးသမီးငယ် Sandra Yeow က စုစုပေါင်း ၇၇ နာရီနဲ့ ၁၃ မိနစ် ( ၃ ရက်ကျော် ) လက်ဝါးနဲ့ ကားကပ်ထားနိုင်ပြီး စံချိန်ချိုးခဲ့ပါသတဲ့။ ဒီနေ့ Orchard ဘက်ရောက်တုန်း ပြိုင်ပွဲနဲ့တိုးနေလို့ အောက်ကဓါတ်ပုံလေးတွေ ရိုက်လာဖြစ်ပါတယ်။

ကဲ ... ပြိုင်ပွဲဝင်မယ်မှန်းရင် နောက်နှစ်အတွက် အခုကတည်းက ကြိုလေ့ကျင့်ထားကြပါစို့ဗျာ။

(စိတ်ဝင်စားစရာပြိုင်ပွဲအကြောင်းသတင်းပေးတဲ့ ကိုဇင်ကိုလတ်ကို ကျေးဇူးတင်ပါတယ်)

လက်ရေးမူများ

ထင်ရှားကျော်ကြားသူတွေအကြောင်း လေ့လာကြတဲ့အခါ သူတို့ရဲ့ လက်ရေးပုံစံတွေကိုလည်း သတိတရ မှတ်တမ်းပြုထားလေ့ရှိပါတယ်။ တချို့တွေကလည်း လက်ရေးကိုကြည့်ပြီး စိတ်နေစိတ်ထားကို အကဲဖြတ်နိုင်တယ်လို့ ဆိုပါတယ်။ အင်တာနက်ပေါ်မှာ ရှာတွေ့မိတဲ့ ကမ္ဘာကျော်ပုဂ္ဂိုလ်တွေရဲ့ လက်ရေးမူလေးတွေ တင်ပြပေးလိုက်ပါတယ်။

အိန္ဒိယခေါင်းဆောင်ကြီး မဟတ္တမဂန္ဒီ ^^

ဗြိတိသျှဝန်ကြီးချုပ်ဟောင်း ဝင်စတန်ချာချီ^^

နာဇီခေါင်းဆောင် ဟစ်တလာ^^

အမေရိကန် သမ္မတဟောင်း လင်ကွန်း^^

အမေရိကန် လက်ရှိသမ္မတ ဂျော့ဘုရှ်^^

သိပ္ပံပညာရှင်ကြီး အိုင်းစတိုင်း^^

ဝေလမင်းသမီး ဒိုင်ယာနာ^^

Hit တက်ချင်သလား ?

Blog Template ပြောင်းချင်တာနဲ့ အင်တာနက်ထဲ ဟိုချောင်ကြား ဒီချောင်ကြား လိုက်ရှာရင်း စိတ်ဝင်စားစရာ ကောင်းတဲ့ ဘလော့ဂ်ပို့စ်လေးတစ်ခု တွေ့မိပါတယ်။ ကိုယ့်ဘလော့ဂ်ကို လာလည်တဲ့ Hit တွေ တစ်ပတ်အတွင်း ၂ ဆ ဖြစ်စေမယ့် အခမဲ့ နည်းလမ်း ၆ ခုလို့ဆိုထားတဲ့ ပို့စ်လေးပါ။ မြန်မာဘလော့ဂ်တစ်ခုမှာလည်း ဖတ်ဖူးသလိုလိုတော့ ရှိပေမယ့် သိပ်မသေချာလို့ ဘိုလိုရေးထားတာလေးကို မြန်မာလိုပြန်တင်ပေးလိုက်ပါတယ်။ တကယ်တော့ ငွေကြေးတစုံတရာ မမျှော်လင့်ဘဲ ခံစားချက်သက်သက် ရေးနေတဲ့ ဘလော့ဂ်ဂါတွေ အတွက် Hit Counter မှာ မနေ့က နံပတ်နဲ့ ဒီနေ့နံပတ် ကွာဟချက်ကြီးလေ - စိတ်ချမ်းသာပြီး ပို့စ်ရေးဖို့ အားတက်ရလေဖြစ်တာမို့ အနည်းနဲ့ အများတော့ အသုံးကျမယ် ထင်ပါတယ်။ ဘလော့ဂ်တွေကနေ ငွေရှာမယ်လို့ စဉ်းစားနေသူတွေအတွက်လည်း Hit က အရေးပါတာမို့ အသုံးတည့်ကောင်းပါတယ်။ ဟုတ်မဟုတ်တော့ လက်တွေ့ လိုက်နာကြည့်ရင် သိနိုင်ပါတယ်။

(၁) Internet Search Engine များနှင့်ချိတ်ဆက်ထားပါ

ကမ္ဘာသုံး နာမည်ကျော် Search Engine တွေဖြစ်တဲ့ Google, Yahoo, MSN စတဲ့ Website တွေမှာ နေ့စဉ်လာရောက် အသုံးပြုတဲ့ User ပေါင်း သန်းချီရှိပါတယ်။ အဲဒီလူတွေထဲကများ Myanmar Blog ရယ်လို့ ရှာလိုက်ရင် ဒါမှမဟုတ် သက်ဆိုင်ရာ Keyword နဲ့ရှာလိုက်တဲ့အခါ ကိုယ့်ဘလော့ဂ်က First Page လို့ခေါ်တဲ့ ရှေ့ဆုံးစာမျက်နှာတွေမှာပါလာနိုင်ရင် သေချာပေါက် Hit တွေ တက်လာနိုင်ပါတယ်။ ဒီလို Search Engine တွေမှာ လွယ်လင့်တကူ ရှာတွေ့နိုင်ဖို့ ယေဘုယျအနေနဲ့ နည်းလမ်း ၂ မျိုးရှိပါတယ်။ ပထမနည်းလမ်းကတော့ Google ဒါမှမဟုတ် Yahoo တို့မှာ ကိုယ့်ဘလော့ဂ်ရဲ့ Sitemap လို့ခေါ်တဲ့ အချက်အလက်လေးတွေ ထည့်သွင်းပေးထားတာပါပဲ။ စိတ်ဝင်စားလို့ Google မှာ တင်ထားချင်ရင် ဒီနေရာ ကတဆင့်သွားနိုင်ပြီး Yahoo မှာတင်ချင်ရင်တော့ ဒီနေရာ ကတဆင့်သွားနိုင်ပါတယ်။ ဒုတိယနည်းကတော့ ကိုယ့်ဘလော့ဂ်ရဲ့ HTML Code ထဲမှာ Meta Tag လို့ ခေါ်တဲ့ အချက်အလက်လေးတွေ မြှုပ်ထားဖို့ပါပဲ။ လုပ်ပုံလုပ်နည်းကို ဒီမှာ ဖတ်နိုင်ပါတယ်။ ဒီ ၂ ခုလုံးမှာ လိုသလို ထည့်သွင်းထားပြီဆိုရင် Search Engine တွေမှာ ၂ ရက်အတွင်း အလွယ်တကူ ရှာတွေ့နိုင်မှာဖြစ်ပါတယ်။

(၂) ဘလော့ဂ်လမ်းညွှန် Website တွေမှာ Register လုပ်ထားပါ

ဘလော့ဂ်ပေါင်း သန်း ၁၀၀ ကျော်လောက်ရဲ့ Data တွေကို သိမ်းထားပြီး လမ်းညွှန်ပေးနိုင်တဲ့ ကမ္ဘာ့အကြီးဆုံး Blog Directory ကြီးတွေ ရှိပါတယ်။ သိချင်တာရှိတဲ့အခါ အဲဒီ Website ကြီးတွေက ထိထိရောက်ရောက် လမ်းညွှန်ပေးနိုင်သလို ကိုယ့်ဘလော့ဂ်ကိုလည်း လာလည်မယ့် ဧည့်သည်တွေရလာအောင် ဖော်ပြပေးတတ်ပါတယ်။ အဲဒီလို နာမည်ကြီး Blog Directory တွေကို ဒီမှာ ကြည့်နိုင်ပါတယ်။ တကယ်လို့ Register လုပ်တော့မယ်လို့ စဉ်းစားရင်တော့ အသုံးပြုနေကျ Email မဟုတ်တဲ့ အသစ်တစ်ခုဖွင့်ပြီးမှ Register လုပ်ပါလို့ အကြံပေးချင်ပါတယ်။ မဟုတ်ရင် Web Admin ပို့တဲ့ Email တွေနဲ့ပဲ Mail Box ထဲ ပြည့်နေပါလိမ့်မယ်။

(၃) Forum နှင့် Group များတွင် ဝင်ရောက်ဆွေးနွေးပါ

ကိုယ်က ကင်မရာတွေအကြောင်းရေးတဲ့ ဘလော့ဂ်ဂါဆိုပါစို့။ Google မှာ Camera Forum ဒါမှမဟုတ် Camera Group ဆိုတဲ့ Keyword မျိုးနဲ့ ရှာကြည့်ပါ။ သက်ဆိုင်တဲ့ Forum နာမည်တွေ၊ Group List တွေ အများကြီး တွေ့ရပါလိမ့်မယ်။ အဲဒီထဲက တချို့မှာ Register လုပ်ပြီး ဝင်ဆွေးနွေးပါ၊ ပို့စ်တွေတင်ပါ။ တင်တဲ့အခါမှာလည်း အောက်ခြေလေးမှာ Signature သဘောမျိုးနဲ့ နာမည်၊ ကိုယ့်ဘလော့ဂ် Link စတာလေးတွေ ထည့်ရေးထားဖို့ လိုပါတယ်။ ဥပမာ “ကိုအောင် (www.koaung-yangon.blogspot.com)” ဆိုတာမျိုးပါ။ ဒါပေမယ့် သိပ်ပြီး ကြော်ငြာမဆန်ဖို့တော့ လိုပါတယ်။

(၄) Social Bookmark များတွင် မှတ်သားထည့်သွင်းထားပါ

del.icio.us ဒါမှမဟုတ် digg ဆိုတာမျိုးလေးတွေကို တချို့သတင်းတွေ၊ Website နဲ့ ဘလော့ဂ်တွေရဲ့ အောက်ခြေတွေမှာ တွေ့တတ်တာ သတိထားမိမှာပါ။ အဲဒါတွေကတော့ Social Bookmark Website တွေပဲ ဖြစ်ပါတယ်။ ကိုယ်နှစ်သက်တဲ့ အင်တာနက် စာမျက်နှာတွေကို ကိုယ့်ကွန်ပျူတာရဲ့ Internet Browser တွေမှာ Bookmark နဲ့ မှတ်သားနိုင်သလို အထက်မှာ ဖော်ပြထားတဲ့ Website တွေမှာလည်း ဘယ်ကွန်ပျူတာကမဆို ကြည့်နိုင်အောင် Social Bookmark လုပ်နိုင်ပါတယ်။ အဲဒီလို Website တွေမှာ Account တစ်ခုဖွင့်ပြီး ကိုယ့်ဘလော့ဂ်ကို ကိုယ့်ဘာသာပြန်ပြီး Bookmark လုပ်ထားပါ။ Traffic တွေ သိသိသာသာ တက်လာပါလိမ့်မယ်။

(၅) ပို့စ်တွေကို Article Directory Website တွေမှာ တင်ပါ

ဒီနည်းလမ်းကတော့ အင်္ဂလိပ်လိုရေးတဲ့ ဘလော့ဂ်တွေအတွက် ပိုသင့်တော်ပါတယ်။ ဒါပေမယ့် အဓိကက ကိုယ့်ဘလော့ဂ်လိပ်စာလေး အဲဒီ Article Website တွေမှာ ရှိနေဖို့ပါပဲ။ နာမည်ကြီးတွေ အဲဒီလို Website တွေကတော့ goarticles.com, ezinearticles.com, articlecity.com စတာတွေပါပဲ။ အဲဒီ Website တွေမှာ Register လုပ်ပြီး ပို့စ်လေးတွေသာ တင်လိုက်ပါ။ ကိုယ့်ဘလော့ဂ်ရဲ့ လိပ်စာလေးတွေ ထည့်ထားဖို့တော့ မမေ့နဲ့ပေါ့ဗျာ။ Hit တွေတိုးလာမယ်တဲ့။

(၆) အခြားဘလော့ဂ်တွေမှာ Comment ရေးပါ

ဒီနည်းကတော့ သိပ်မစိမ်းလှပါဘူး။ ဘလော့ဂ်စရေးတဲ့အခါ အခြားဘလော့ဂ်မှာ Comment ရေး၊ Cbox မှာအော်နဲ့ လိုက်မိတ်ဖွဲ့ရတာပါပဲ။ Comment ရေးတဲ့အခါ ကိုယ့်ဘလော့ဂ်လိပ်စာလေး ချန်ထားခဲ့နိုင်လို့ အဲဒီကနေတဆင့်လည်း Hit တွေ တက်လာနိုင်ပါတယ်။

ဘလော့ဂ်ဂါ Kranthi ရဲ့ ပို့စ်ကို ဆီလျော်အောင် ဘာသာပြန်ထားတာပါ။ သူ့ဆီမှာ Comment ချထားကြတဲ့အထဲမှာ သိသာတယ် ဆိုတဲ့လူလည်းပါတယ်။ မထူးပါဘူးဆိုတဲ့ လူတွေလည်းပါပါတယ်။ ဘာပဲဖြစ်ဖြစ် အကျိုးမယုတ်လို့ စမ်းကြည့်စေချင်ပါတယ်ဗျာ။

သံလွင်ထွက်ပြီ

သခင်မျိုးဟေ့ ...

သခင်မျိုးဟေ့ ... တို့ဗမာ

(ပုံများကို ပြတ်သားစွာမြင်နိုင်ရန် Click လုပ်ပါ)

အချမ်းသာဆုံး မင်းမျိုးမင်းနွယ်များ

ပြီးခဲ့တဲ့ အပတ်က သတင်းစာထဲမှာ ကမ္ဘာ့အချမ်းသာဆုံး သက်ရှိထင်ရှား ဘုရင်မင်းမြတ်တွေနဲ့ မင်းမျိုးမင်းနွယ်တွေကို စာရင်းပြုစုထားတာလေးတွေ့မိလို့ ဘာသာပြန် ဖေါ်ပြပေးလိုက်ပါတယ်။

၂၀၀၇ ခုနှစ်က အမေရိကန်ဒေါ်လာ ၅ ဘီလျံချမ်းသာပြီး အဆင့် (၅) နေရာမှာရှိတဲ့ ထိုင်းဘုရင်မင်းမြတ် ဘူမိဘော အဒူရာဒက်က ဒီနှစ်မှာတော့ အဆင့် (၁) နေရာကို အမေရိကန်ဒေါ်လာ ၃၅ ဘီလျံချမ်းသာတဲ့ဘုရင်အဖြစ်နဲ့ သိမ်းပိုက်လိုက်နိုင်ပါတယ်။ သက်တော် (၈၀) ရှိပြီဖြစ်ပြီး နန်းသက် (၆၂)နှစ်နဲ့ ကမ္ဘာ့နန်းသက်အရှည်ဆုံး ဘုရင်မင်းမြတ်ဟာ မြို့တော်ဘန်ကောက်က ၃၄၉၃ ဧကကျယ်ဝန်းတဲ့ ခြံကြီးတွေအပါအဝင် မြေယာတွေ အများအပြားကိုလည်း ပိုင်ဆိုင်ပါတယ်။ အာရပ်စော်ဘွားများပြည်ထောင်စုရဲ့ သမ္မတ စော်ဘွားကြီး ရှိတ်ခါလီဖာက ပိုင်ဆိုင်မှု အမေရိကန်ဒေါ်လာ ၂၃ ဘီလျံနဲ့ ဒုတိယနေရာကလိုက်ပါတယ်။ အဘူဒါဘီမြို့ရဲ့ သုံးမကုန်တဲ့ ရေနံတွေက ဒီစော်ဘွားကြီးကို မနှစ်ကထက် ၂ ဘီလျံ ပိုမိုကြွယ်ဝလာစေခဲ့ပါတယ်။ တတိယနေရာမှာတော့ ကမ္ဘာ့ရေနံတင်ပို့မှု အများဆုံးနိုင်ငံဖြစ်တဲ့ ဆော်ဒီအာရေးဘီးယားနိုင်ငံရဲ့ သက်တော် ၈၄ နှစ်ရှိပြီဖြစ်တဲ့ ဘုရင်မင်းမြတ် အဗ္ဗဒူလာ ရှိပါတယ်။ ပိုင်ဆိုင်မှု အမေရိကန်ဒေါ်လာ ၂၁ ဘီလျံရှိပါတယ်။

မနှစ်က အချမ်းသာဆုံး မင်းမျိုးမင်းနွယ်တွေထဲ နံပတ် ၁ အဖြစ်နဲ့ “ထီးဆောင်းမင်းတို့ရဲ့ ဘုရင်မင်းမြတ်” ဘွဲ့ခံ ဘရူနိုင်းဘုရင်မင်းမြတ် ဆူလတန်ဟာဂျီကတော့ ဒီနှစ်မှာ နံပတ် ၄ အဖြစ်ကျဆင်းသွားပါတယ်။ သက်တော် ၆၂ နှစ်ရှိတဲ့ ဘုရင်ကြီးဟာ အမေရိကန်ဒေါ်လာ ဘီလျံ ၂၀ ကြွယ်ဝပါတယ်။ နံပတ် ၅ နေရာမှာတော့ အခြား ယူအေအီးစော်ဘွားတစ်ဦးဖြစ်တဲ့ ဒူဘိုင်းစော်ဘွားကြီး ရှိတ်မိုဟာမက်က ချမ်းသာမှု အမေရိကန်ဒေါ်လာ ၁၈ ဘီလျံနဲ့ ရှိနေပါတယ်။ နံပတ် ၅ နေရာက စော်ဘွားကြီး ရှိတ်မိုဟာမက်နဲ့ နံပတ် ၆ နေရာက လင်ချင်စတိန်းမင်းသား ဟန်စ်အဒမ်(၂)ရဲ့ ပိုင်ဆိုင်မှုကတော့ အတော်လေး ကွာဟပါတယ်။ မင်းသားဟန်စ်အဒမ်(၂) ဟာ အမေရိကန်ဒေါ်လာ ၅ ဘီလျံပဲကြွယ်ဝပြီး ဥရောပမင်းမျိုးတွေထဲမှာတော့ အချမ်းသာဆုံးပါပဲ။ ကာတာစော်ဘွားကြီး ရှိတ်ဟာမဒ် က အမေရိကန်ဒေါ်လာ ၂ ဘီလျံနဲ့ နံပတ် ၇ ၊ သက်တော် ၄၆ နှစ်သာရှိသေးတဲ့ မော်ရိုကိုဘုရင်မင်းမြတ် မိုဟာမက်(၆) က ၁.၅ ဘီလျံနဲ့ နံပတ် ၈ မှာရှိနေပါတယ်။

နံပတ် ၉ ကတော့ မိုနာကိုမင်းသား အဲလ်ဘတ်(၂) ဖြစ်ပါတယ်။ မင်းသားရဲ့ တောင်ဥရောပတလွှားပိုင်ဆိုင်မှုဟာ အမေရိကန်ဒေါ်လာ ၁.၄ ဘီလျံရှိပါတယ်။ နံပတ် ၁၀ ကတော့ အိုမန်စော်ဘွားကြီး ဆူလတန်ကာဗူးစ်ဖြစ်ပြီး ၁.၁ ဘီလျံကြွယ်ဝပါတယ်။ နာမည်ကြီး ဗြိတိန်ဘုရင်မကြီး အဲလိစ်ဇဘက်(၂) ကတော့ နံပတ် ၁၂ မှာ ဒေါ်လာ သန်း ၆၅၀ ချမ်းသာတယ်လို့ ဆိုပါတယ်။ အခြားလူသိများတဲ့ ထီးဆောင်းမင်းတွေဖြစ်တဲ့ စပိန်ဘုရင်မင်းမြတ်နဲ့ ဂျပန်ဧကရာဇ်တို့ကတော့ ထိပ်တန်း ၁၅ ယောက်စာရင်းထဲ မပါခဲ့ပါဘူး။ ဒီစာရင်းဇယားတွေကို နာမည်ကျော် Forbes မဂ္ဂဇင်းက ဒုတိယနှစ်အဖြစ် ထုတ်ပြန်ပေးတာဖြစ်ပြီး ပထမနှစ်ဖြစ်တဲ့ ၂၀၀၇ ကတော့ အောက်ပါအတိုင်းဖြစ်ပါတယ်။

(၁) ဘရူနိုင်းဘုရင်မင်းမြတ် ဆူလတန် ( ၂၂ ဘီလျံ )
(၂) ယူအေအီးသမ္မတ အဘူဒါဘီ စော်ဘွားကြီး ရှိတ်ခါလီဖာ ( ၂၁ ဘီလျံ )
(၃) ဆော်ဒီဘုရင်မင်းမြတ် အဗ္ဗဒူလာ ( ၁၉ ဘီလျံ )
(၄) ဒူဘိုင်းစော်ဘွားကြီး ရှိတ်မိုဟာမက် ( ၁၆ ဘီလျံ )
(၅) ထိုင်းဘုရင်မင်းမြတ် ဘူမိဘော ( ၅ ဘီလျံ )
(၆) လင်ချင်စတိန်းမင်းသား ဟန်စ်အဒမ်(၂) ( ၄.၅ ဘီလျံ )
(၇) မော်ရိုကိုဘုရင်မင်းမြတ် မိုဟာမက်(၆) ( ၂ ဘီလျံ )
(၈) မိုနာကိုမင်းသား အဲလ်ဘတ်(၂) ( ၁.၂ ဘီလျံ )
(၉) ကာတာစော်ဘွားကြီး ရှိတ်ဟာမဒ် ( ၁ ဘီလျံ )
(၁၀) အဂါခန်း မင်းသားကြီး ကရင်မ်အယ်လ်ဟူစိန်နီ ( ၁ ဘီလျံ )

ဒါပေမယ့် ...

ဆူညံနေတဲ့ Pasir Ris ကမ်းခြေကြီးတစ်ခုလုံးတိတ်ဆိတ်သွားတယ်လို့ ကျွန်တော်ထင်တယ်။ ကျွန်တော်တို့နားထဲမှာ အစ်ကို့ဖို့ဆုတောင်းသံတွေပဲ ကြားနေမိတယ်။ စက္ကန့် ၃၀ ဆိုတဲ့ ခဏအချိန်ပိုင်းအတွင်းက ကျွန်တော်တို့ဆုတောင်းတွေနဲ့ အစ်ကိုပြန်လွတ်လပ်လာရင် သိပ်ကောင်းမယ်လို့ တွေးနေမိတယ်။

ညက Blog Day အတွက် ဒီမှာရောက်နေတဲ့ သူငယ်ချင်း Blogger တွေစုဖြစ်တယ်။ မနှစ်က ဆီမနာမှာ အစ်ကိုနဲ့ လက်တွဲလုပ်ခဲ့တဲ့လူတွေ၊ သံလွင်အိပ်မက်က သူငယ်ချင်းတွေ၊ အခြားလူဟောင်း၊ လူသစ် Blogger တွေ ၃၀ နီးပါးလာကြတယ်လေ။ အဲဒီပွဲရဲ့ ဒုတိယအစီအစဉ်မှာ ကျွန်တော်တို့အားလုံး စက္ကန့် ၃၀ ငြိမ်သက်ပြီး အစ်ကို လွတ်မြောက်ဖို့အတွက် ဆုတွေတောင်းခဲ့ကြပါတယ်။ မနှစ်က ရန်ကုန်က ဒီလိုပွဲမျိုးမှာ ပထမဆုံးတက်ဟောပြောပြီး “လွတ်ကျခဲ့တဲ့မြို့တော်” ကို ရာချီတဲ့ ပရိသတ်အရှေ့မှာ Projector ထိုးရှင်းပြနေခဲ့တဲ့ အစ်ကို့ကို ကျွန်တော်အားလုံး သတိရနေခဲ့ပါတယ်။ ရန်ကုန်က သူငယ်ချင်း Blogger တွေအနေနဲ့လည်း ပွဲစဉ်ကြတဲ့အခါမှာလည်း အစ်ကိုရှိရင်ကောင်းမယ်လို့ တွေးနေခဲ့ကြမှာပဲ၊ မလုပ်ဖြစ်တဲ့အခါလည်း အကြံကောင်းတွေပေးတတ်တဲ့ အစ်ကိုရှိရင်ကောင်းမယ်လို့ တွေးနေကြဦးမှာပါပဲ။ အခုလည်း ဒီမှာဆုံဖြစ်ကြပြန်ပြီ။ ဘယ်လူတွေ ဘယ်လောက်စုံတယ်ပြောပြောပါ - Blogger တွေစုကြတဲ့အခါ အစ်ကိုရှိမနေသ၍တော့ စုံတယ်လို့ တယ်မထင်မိဘူးဗျာ။ နေရာတစ်နေရာလွတ်နေဆဲပေါ့လေ။

ပွဲကတော့ အားရစရာလည်း ကောင်းတယ်။ ပျော်စရာလည်းကောင်းပါတယ်။ ဒီနေ့လာတဲ့ Blogger တွေထဲက တချို့ဟာ ကျွန်တော်တို့ ဆီမနာအပြီးလောက်မှာမှ Blog ရေးဖြစ်ကြတာဖြစ်ပြီး တချို့ကတော့ အစောပိုင်းကတည်းက ရေးနေပေမယ့် MBS နဲ့ အထိအတွေ့နည်းကြပါတယ်။ ဟိုးအရင် MBS စကတည်းက စင်ကာပူအမာခံလို့ ကျွန်တော်တို့ သဘောထားခဲ့တဲ့ လူဟောင်း Blogger တွေလည်း လာကြပါတယ်။ ဆီမနာအတွက် ကြိုးပမ်းခဲ့ကြတဲ့ အုပ်စုလေးကို First Generation လို့ ပြောမယ်ဆို အခုပွဲကို လာကြတဲ့ Bloggerတွေ (Second Generation) ဟာလည်း သိပ်အားရစရာကောင်းပါတယ်။ ရေးအားကောင်းပြီး ခင်မင်ရင်နှီးလွယ်သူတွေပဲ ဖြစ်ပါတယ်။ အစ်ကိုမြင်ချင်တဲ့ နည်းပညာကြွယ်ဝပြီး စည်းလုံးတဲ့ Blogger Society အတွက်တော့ တအားပါပဲဗျာ။

ဒီနေ့ပွဲကို မနှစ်က အစ်ကိုတို့အားလုံး လက်မှတ်စုထိုးထားတဲ့ အကျီလေးကို ပထမဆုံးအကြိမ် ကျွန်တော်ဝတ်သွားဖြစ်တယ်။ တိတိကျကျပြောရင် လွန်ခဲ့တဲ့ တစ်နှစ်နဲ့ ၅ ရက်က အကျီပေါ့။ အဲဒီမှာ လက်မှတ်ထိုးပေးထားတဲ့ တချို့လူတွေက ကျွန်တော်နဲ့ အတူဒီပွဲကိုရောက်နေတယ်။ တချို့က ရန်ကုန်ကနေ သတင်းနားစွင့်နေလိမ့်မယ်။ အစ်ကိုတစ်ယောက်ကတော့ ... ။ မမီက အစ်ကိုဘာရေးပေးထားလဲမေးလို့ ကျွန်တော့်အကျီရင်ဘတ်က အစ်ကိုရေးပေးထားတာလေးပြဖြစ်တယ်။ “မောင်ပွတ်ရေ - အားလုံးအိုကေတယ်” ဆိုတာလေ။ ကျွန်တော်ကိုယ်တိုင် ပါဝင်ခွင့်မရခဲ့တဲ့ အဲဒီဆီမနာအတွက် အစ်ကိုပါးချင်တဲ့ သတင်းပေါ့လေ။ အခုကျွန်တော်ကိုယ်တိုင် ပါဝင်နိုင်ခဲ့တဲ့ ဒီပွဲအတွက် တစ်ခုခုပြောပါဆိုရင်တော့ “အားလုံးအိုကေတယ် - ဒါပေမယ့် မပြည့်စုံဘူးဗျာ” လို့ပဲပြောချင်မိတယ်။ အစ်ကိုဆီက “အားလုံးအိုကေတယ်” ဆိုတဲ့စကားကို နောက်တစ်ခေါက် အမြန်ဆုံးကြားရဖို့ ကျွန်တော်တို့ မျှော်လင့်နေဆဲပါဗျာ...

သို့ ... မစ္စတာလီကွမ်ယူး

မင်္ဂလာပါ မစ္စတာလီကွမ်ယူးခင်ဗျား။ ပျော်ရွှင်ဂုဏ်ယူဖွယ်ရာကောင်းတဲ့ စင်ကာပူနိုင်ငံရဲ့ ၄၃ ကြိမ်မြောက် အမျိုးသားနေ့ အခါသမယပါဗျာ။

လူကြီးမင်း နေကောင်းပါရဲ့လား။ သြဂုတ်လ ဂ ရက်နေ့ညက ဘေဂျင်းမှာ အိုလံပစ်ပြိုင်ပွဲ ဖွင့်ပွဲအခမ်းအနားကို စင်ကာပူကိုယ်စားပြု တက်ရောက်ခဲ့ပြီး ၉ ရက်နေ့မှာ ကျရောက်မယ့် အမျိုးသားနေ့ပွဲအတွက် ညတွင်းချင်း လေယာဉ်စီးပြန်လာခဲ့တဲ့ လူကြီးမင်း ကျန်းမာဖို့ ကျွန်တော်ဆုတောင်းပါတယ်။ ဒီစာကတော့ ညက ကျွန်တော်ကိုယ်တိုင် ကြည့်ခဲ့ရတဲ့ စင်ကာပူအမျိုးသားနေ့ အခမ်းအနားအကြောင်းပါ။ ကောင်းမွန်ခမ်းနားလှတဲ့ အစီအမံ၊ ရင်သပ်ရှုမောဖွယ် အစီအစဉ်တွေ၊ တင်းကျပ်ပြည့်စုံတဲ့ လုံခြုံရေးတွေနဲ့ လူကြီးမင်းတို့ရဲ့ နေ့ထူးနေ့မြတ်ဟာ တကယ်ပဲတင့်တယ်လှပါတယ်။

အထောင်အသောင်းချီတဲ့ နိုင်ငံသား၊ နိုင်ငံခြားသားတွေ ကမ်းညွှတ်မတတ် လာရောက်ကြတဲ့ ဒီအခမ်းအနားထဲမှာ ကျွန်တော်ကလည်း အနီရောင်အစက်အပြောက်တစ်အခု အနေနဲ့ ဖိတ်ကြားခံရခြင်း မရှိပါဘဲ တက်ရောက်ခဲ့ပါတယ်။ ဒီလိုပွဲမျိုးတွေဟာ နိုင်ငံတစ်နိုင်ငံရဲ့ အဆင့်အတန်းတစ်ခု၊ စည်းလုံးညီညွတ်မှု၊ နည်းပညာဖွံ့ဖြိုးမှု၊ ချမ်းသာကြွယ်ဝမှုတွေကို လှစ်ဟပြနိုင်တဲ့ အကောင်းဆုံးအခွင့်အလမ်းပဲမို့ စင်ကာပူဆိုတာ ဘာလဲသိရအောင် ကျွန်တော်လာခဲ့တာပါ။ မစ္စတာလီခင်ဗျား - ကျွန်တော် ပထမဆုံး သတိထားမိတာက ကျွန်တော့်လိုပဲ အခမ်းအနားကြည့်လာတဲ့ ပရိသတ်တွေကိုပါပဲ။ အနီရောင်ဆင်တူတွေ ဝတ်ဆင်ထားကြတဲ့ ပရိသတ်ထဲမှာ အလယ်တန်းကျောင်းသားတွေ၊ အလုပ်သမားတွေ၊ ကလေးငယ်ကို ချီပိုးခေါ်လာတဲ့ မိခင်တွေ၊ မျက်နှာမှာ အလံပုံဆေးခြယ်ထားတဲ့ လူငယ်တွေ၊ အရင်နှစ်တွေက အကြောင်းတွေကို လက်ဆင့်ကမ်း ပြောပြနေတဲ့ အဖိုးအိုတွေ အစုံပါပါတယ်။ သူတို့တွေကို ကြည့်ရတာ အပျော်တမ်း မီးပန်းဖောက်တာ လာကြည့်ကြတာမဟုတ်ဘဲ နိုင်ငံတော် အခမ်းအနားကို ဖိတ်ကြားခံထားရတဲ့ ပုံစံမျိုးနဲ့ စည်းကမ်းသိမ်ဝပ်စွာ တက်ကြွလွန်းပါတယ်။ ဂုဏ်ယူနေကြပါတယ်။ အဲဒီလူအုပ်ကြီးတွေကို Marina Bay ရဲ့ ဝဲယာတစ်လျှောက်မှာ လူကြီးမင်း လှမ်းမြင်လိုက်ရဲ့ မဟုတ်လား။ ကျွန်တော်သေသေချာချာ ပြောနိုင်ခဲ့တာကတော့ မစ္စတာလီ - လူကြီးမင်းဟာ တိုင်းပြည်တိုးတက်ဖို့သာမက နိုင်ငံသားတွေရဲ့ ခံယူချက်တွေ၊ စိတ်ဓါတ်တွေကိုပါ ပြောင်းလဲမြှင့်တင်ပေးနိုင်ခဲ့ပြီ ဆိုတာပါပဲ။

ဒုတိယအချက် ကျွန်တော်သတိထားမိတာက လူကြီးမင်းတို့ရဲ့ လူငယ်တွေကို နေရာပေးမှုပါပဲ။ ဒီနှစ်အမျိုးသားနေ့ အခမ်းအနား Logo မှာကိုက ခေတ်လူငယ်တွေ စင်ကာပူကိုယ်စားပြု ကြယ် ၅ လုံးကို မြှောက်ကိုင်ထားတဲ့ ပုံမဟုတ်လား။ အဲဒီလူငယ်တွေက ခေတ်ဆန်တဲ့ အဝတ်အစားတွေ ဝတ်ထားတာကိုလည်း ကျွန်တော်သတိထားမိပါတယ်။ အခမ်းအနားဖွင့်ပွဲသီချင်းဆိုပြန်တော့လည်း Jazz ဂီတ နာမည်ကျော် ဆယ်ကျော်သက် Nathan Hartono ကို အခွင့်အရေးပေးခဲ့ပြန်တယ်။ အခမ်းအနား အောင်အောင်မြင်မြင် ပြီးဆုံးစေဖို့ တာဝန်ယူကြီးကြပ်နေတဲ့ လူတွေကိုတွေ့ရပြန်တော့လည်း လူငယ်တွေပဲနော်။ ဒါကြောင့် မစ္စတာလီက ဒီအခမ်းအနားအတွက် ပြောတဲ့မိန့်ခွန်းမှာ “စင်ကာပူရဲ့ နောက် ဆယ်စုနှစ်တစ်ခုအတွက် ကျွန်တော်ယုံကြည်မှု အပြည့်ရှိပါတယ်” လို့ပြောရဲတာဖြစ်မယ်လို့ ကျွန်တော်တွက်ဆမိတယ်။ အသက် ၃၅ နှစ်နဲ့ ဝန်ကြီးချုပ်ဖြစ်ခဲ့တဲ့ လူကြီးမင်းအနေနဲ့ လူငယ်တွေကို ဘယ်လောက်မျှော်လင့်ထားမယ်ဆို ကျွန်တော်နားလည်ပါတယ်။

အမြောက်ကြီးတွေ ပစ်ဖောက်ပြီး အခမ်းအနားစတင်ချိန်မှာပဲ မိုးတွေက တဖွဲဖွဲစရွာလာတယ်။ ကျွန်တော်စိုးရိမ်မိသေးတယ်။ Marina Bay မှာရောက်နေတဲ့ ၂ သိန်းသော ပရိတ်သတ်တွေ ဒီမိုးကြောင့် လှည့်ပြန်ကုန်မှာရယ်၊ အခမ်းအနား အစီအစဉ်တွေ ပျက်ကုန်မှာရယ်ကိုပါ။ ခဏနေတော့ ကျွန်တော့် စိုးရိမ်စိတ်တွေ ပျောက်သွားတယ်။ အခမ်းအနားကျင်းပတဲ့ ကမ္ဘာ့အကြီးဆုံး ရေပေါ်စင်မြင့် (Floating Platform) ပေါ်ကို လေထီးသူရဲကောင်းတွေက မိုးစက်တွေကြားထဲကပဲ အမှားအယွင်းမရှိ ဆင်းလာကြလို့ပါ။ ဒီသူရဲကောင်းတွေကို လက်ခုပ်တီးကြိုဆိုနေတဲ့ လူကြီးမင်းကိုလည်း ကျွန်တော် တီဗွီဖန်သားပြင်မှာ မြင်လိုက်ရသေးတယ်။ အသက် ၈၀ ကျော် သက်ကြီးပိုင်း မစ္စတာလီအနေနဲ့ အမိုးအကာအောက်မှာ နေမလား၊ တပည့်တပန်းတွေကပဲ ထီးမိုးပေးနေမလားတွေးခဲ့မိပေမယ့် လူကြီးမင်းက အခြားသော အရပ်သားပရိသတ်တွေလိုပဲ ဈေးခပ်ပေါပေါ တခါသုံးအနီရောင် မိုးကာအကျီနဲ့ မိုးဒဏ်ကိုအံတုရင်း ထိုင်မြဲထိုင်နေခဲ့လို့ ကျွန်တော်တောင် အံ့သြမိသေးတယ်။ စင်ကာပူပြည်သူတွေနဲ့ အစိုးရအရာရှိတွေ တတန်းတစားတည်းရှိတာကို သက်သေပြလိုက်တာပေါ့လေ။ ကျွန်တော်လေးစားမိပါတယ် မစ္စတာလီခင်ဗျား။

အခမ်းအနားအစီအစဉ်အရ ဝန်ကြီးချုပ် လီရှန်လွန်း အခမ်းအနားထဲဝင်လာတော့ လူကြီးမင်းတို့ အားလုံး မတ်တပ်ရပ်ဂုဏ်ပြုကြပြန်တယ်။ ခန့်ညားတဲ့ အဖြူရောင် သက်တော်စောင့်ဆိုင်ကယ်တွေ ခြံရံပြီး ကားအဖြူကြီးပေါ်ကဆင်းလာတဲ့ သားဖြစ်သူ ဝန်ကြီးချုပ်ကို မတ်တပ်ရပ် ဂုဏ်ပြုရင်း လူကြီးမင်း ပြုံးနေတာ ကျွန်တော်သတိထားမိသလို လူကြီးမင်းရဲ့ အပြုံးကိုလည်း ကျွန်တော် သဘောပေါက်လိုက်မိပါတယ်။ ရှေ့မလှမ်းမကမ်းမှာက ရင်မှာပိုက်ပြီး မွေးလာရတဲ့ သားဝန်ကြီးချုပ်နဲ့ အရိုအသေပေးနေတဲ့ ပြည်သူတွေ၊ ခပ်ဝေးဝေးမှာ မြင်နေရတာက လူကြီးမင်းတို့ လွန်ခဲ့တဲ့ ၄၃ နှစ်က တံငါရွာဘဝကနေ တိုးတက်အောင်ကြိုးစားလာခဲ့တဲ့ မိုးမျှော်အဆောက်အအုံကြီးတွေ၊ နာမည်ကြီးဟော်တယ်တွေ၊ ကုမ္ပဏီရုံးချုပ်ကြီးတွေနဲ့ စင်ကာပူရဲ့ အသည်းနှလုံး Raffles Place - တနည်းအားဖြင့် သက်ရှိသားနဲ့ သက်မဲ့သားကို တပြိုင်တည်း အခမ်းအနားနဲ့ မြင်နေရတဲ့အချိန်၊ သက်မဲ့သားရဲ့ မွေးနေ့ကို သက်ရှိသားနဲ့ ကျင်းပနေတဲ့အချိန် - မစ္စတာလီ - လူကြီးမင်းရဲ့ အပြုံးတွေက ပီတိတွေ ပြည့်နေလွန်းပါတယ်ဗျာ။

မစ္စတာလီခင်ဗျား - လူကြီးမင်းတို့ရဲ့ အခမ်းအနားအစီအစဉ်တွေဟာလည်း ရင်သပ်ရှုမောစရာထက် စိတ်ဓာတ်တက်ကြွဖို့၊ တိုင်းပြည်ချစ်ဖို့၊ သာတူညီမျှရှိတာ သိသာစေဖို့၊ ဖွံ့ဖြိုးတဲ့နိုင်ငံဆိုတာ သိသာစေဖို့ ပိုမိုပြသနိုင်ခဲ့တယ်လို့ ကျွန်တော်တော့မြင်မိတယ်။ လူကြီးမင်း အများကြီးမျှော်လင့်ထားတဲ့ လူငယ်ကျောင်းသားတွေရဲ့ သရုပ်ဖေါ်မှုတွေ၊ အဓိကလူမျိုးစုကြီးတွေဖြစ်တဲ့ တရုတ်၊ မလေးရှားနဲ့ အိန္ဒိယလူမျိုးတို့ရဲ့ ရိုးရာတင်ဆက်မှုတွေ၊ ပြည်တွင်းတပ်ဖွဲ့အသီးသီးရဲ့ ချီတက်အလေးပြုမှုတွေ၊ နည်းပညာဖွံ့ဖြိုးမှု စတန့်ပြကွက်တွေ၊ အံ့မခန်းအလင်းတွေနဲ့ မီးရှူးမီးပန်းတွေနဲ့ အခမ်းအနားကို လစ်ဟာမှုမရှိ အချိန်ကိုက်ကျင်းပနိုင်ခဲ့ပါတယ်။ ကျွန်တော်အကြိုက်ဆုံးကတော့ Air Show လို့ခေါ်တဲ့ လေကြောင်းသရုပ်ပြမှုပါပဲ။ ကမ္ဘာ့အကောင်းဆုံးတိုက်လေယာဉ် စာရင်းဝင် F16 လေယာဉ် ၆ စင်းဟာ Marina Bay ကောင်းကင်ကို ထင်သလို ချယ်လှယ်ပြနိုင်ခဲ့ပါတယ်။ အရေးအကြောင်းဆို တိုင်းပြည်အတွက် စစ်ဦးကဘီလူးစီးတိုက်နိုင်သူတွေဆိုတာ ကျွန်တော်မြင်ခဲ့ရပါတယ်။


မစ္စတာလီခင်ဗျား - တိုင်းပြည်ကို တစ်ပါတီစနစ်နဲ့ပဲ အုပ်ချုပ်ခဲ့တယ်ပြောပြော၊ စင်ကာပူလူမျိုးတွေဟာ နွားခြေရာခွက်ထဲက ဖားတွေလို့ပဲ ပြောပြော - စင်ကာပူနိုင်ငံနဲ့ စင်ကာပူနိုင်ငံသားတွေရဲ့ အဆင့်အတန်းဟာ မြင့်သထက် မြင့်လာနေတာကိုတော့ ငြင်းမရတော့ပါဘူး။ နိုင်ငံအသီးသီးက ပညာရှင်တွေကနေ အိမ်ဖော်တွေအထိ လာအခြေချနေထိုင်ပေမယ့် တိုင်းပြည်စည်းကမ်း ပျက်မသွားတာ၊ ရာဇဝတ်မှုတွေ များမလာတာ၊ တစ်ဦးချင်းဝင်ငွေတက်လာနေတာဟာ ပြည်တွင်းသယံဇာတ လုံးဝမရှိတဲ့ ကျွန်းနိုင်ငံကို အုပ်ချုပ်နေတဲ့ လူကြီးမင်းတို့ အစိုးရကြောင့်ဆိုတာ လက်ခံရမှာပါ။ နိုင်ငံတကာ အသိုင်းအဝိုင်းနဲ့ လိုက်လျောညီထွေ ဆက်ဆံတတ်မှု၊ ကျောသားရင်သားမခွဲခြားဘဲ ဥပဒေနဲ့အညီ အုပ်ချုပ်မှု၊ ပြည်သူတွေ ရသင့်ရထိုက်တာတွေ ရရှိအောင် စီစဉ်ပေးနိုင်မှုတွေကြောင့်လည်း တိုင်းပြည်ရဲ့ နိုင်ငံရေးဟာ တည်ငြိမ်တယ်လို့ ပြောရမယ့် အနေအထားမှာ ရှိပါတယ်။ ဒီလိုနဲ့ပဲ မစ္စတာလီကွမ်ယူးရေ - ကျွန်တော့်အပြန်လမ်းမှာ မြန်မာတစ်ယောက်အနေနဲ့ တွေးစရာတွေ ပြည့်နေခဲ့ပါတယ်ဗျာ။

ယခု ၄၃ နှစ်မြောက် အမျိုးသားနေ့ (စင်ကာပူမွေးနေ့)မှသည် နောင်နှစ်ပေါင်းများစွာတိုင်အောင် တိုးတက်နေဖို့၊ လူကြီးမင်းလည်း ကျန်းမာစေဖို့ ကျွန်တော်ဆန္ဒပြုလိုက်ပါတယ်။

(Aug 9 က စင်ကာပူအမျိုးသားနေ့ပွဲကြည့်ပြီး ပြန်အလာ ဒီပို့စ်လေး ရေးဖြစ်ပါတယ်။ အကြောင်းကြောင်းကြောင့် ခုမှပဲ Publish လုပ်ဖြစ်တာပါ။)

၂၈ ရက်နေ့မှာ ၂၈ နှစ် ပြည့်ခဲ့တဲ့ မြို့တော်သို့

မနေ့ကလည်း ၂၄ နာရီရှိခဲ့တယ်။ ဒီနေ့လည်း ၂၄ နာရီပါပဲ။ မနက်ဖြန်လည်း ၂၄ နာရီပဲ ရှိဦးမှာပါ။ ဒါပေမယ့် ဒီနေ့ဆိုတဲ့ ဇွန်လ ၂၈ ရက်နေ့ရဲ့ ၂၄ နာရီမှာတော့ လက်ရှိအခြေအနေတွေကို ခဏမေ့လို့ အစ်ကို့ကို ကျွန်တော် ပျော်နေစေချင်တယ်ဗျာ။ အစ်ကို့မိသားစု၊ ကျွန်တော်နဲ့တကွ သူငယ်ချင်းတွေ၊ အစ်ကို့ စာဖတ်ပရိသတ်တွေရဲ့ “ပျော်ရွှင်စရာ မွေးနေ့ဖြစ်ပါစေ” ဆိုတဲ့ ဆုတောင်းကြောင့် အစ်ကို တကယ်ပဲ ပျော်ရွှင်နေပါစေလို့ ကျွန်တော် ထပ်ဆုတောင်းပါတယ်။

ကိုနေဘုန်းလတ်ရေ -
စိတ်ဓါတ်ကြံ့ခိုင်တဲ့ အစ်ကိုကတော့ တသက်မှာတခါပဲရတဲ့ “၂၈” ရက်နေ့မှာ “၂၈” နှစ်ပြည့်တဲ့ မွေးနေ့ကို “မွေးနေ့ဆိုတာ နေ့တွေထဲက တစ်နေ့ပဲ” ဆိုပြီး ဖြတ်ရိုးဖြတ်စဉ်ပဲ ဖြတ်သန်းသွားဖို့ ကြိုးစားနေဦးမယ် ထင်ပါတယ်။ ကျွန်တော်တို့၊ အထူးသဖြင့် ဘလော့ဂ်ဂါတွေကတော့ မွေးနေ့တစ်ခုကို သာမန်နေ့တစ်နေ့လို့ ဘယ်တုန်းကမှ မတွေးခဲ့ကြဘဲ မွေးနေ့ရှင်ရဲ့ ဘလော့ဂ်မှာ နှုတ်ဆက်ကြ၊ ပို့စ်တင်ပေးကြ၊ ဂျီတော့ကနေ စကြနောက်ကြ၊ ဖုံးဆက်ကြနဲ့ နေခဲ့ကြတာ အစ်ကိုလည်း သတိရနေမှာပါ။ ဒီနှစ်တော့ မွေးနေ့ရှင်မပါတဲ့ မွေးနေ့ပွဲကို ကျွန်တော်တို့ ကျင်းပကြရတော့မယ်။ အစ်ကို့မွေးနေ့ဟာ တိတ်တဆိတ်နဲ့ပဲ စည်ကားနေတော့မယ်။ အစ်ကို့မွေးနေ့ကို သတိရလို့ “လွတ်ကျခဲ့တဲ့ မြို့တော်” ကိုရောက်လာသူတိုင်းဟာ မွေးနေ့အတွက် ပို့စ်အသစ်မရှိတဲ့ အစ်ကို့ဘလော့ဂ်အတွက် စိတ်ကောင်းကြမှာ မဟုတ်ပါဘူး။ တိုက်တိုက်ဆိုင်ဆိုင်ပဲ အစ်ကို နောက်ဆုံးတင်ထားပေးခဲ့တဲ့ ပို့စ်ကလည်း ကျွန်တော့်မွေးနေ့အတွက် ဖြစ်နေတော့ အစ်ကို့ဘလော့ဂ်ကို ရောက်တိုင်း ကျွန်တော် သတိတရနဲ့ စိတ်မကောင်းဖြစ်ရပါတယ်ဗျာ။

ကိုနေဘုန်းလတ်ရေ -
မနက်ဖြန်ဆို အစ်ကို့ကို ဖမ်းဆီးထားတာ ၅ လပြည့်ပြီ။ နှစ်တစ်နှစ်ရဲ့ သုံးပုံတစ်ပုံကျော်ကို အဓိပ္ပါယ်နည်းပါးစွာနဲ့ အစ်ကိုဖြတ်သန်းခဲ့ပြီးပြီပေါ့။ လူခန္ဓာကြီးက မလွတ်မြောက်နိုင်သေးပေမယ့် အစ်ကို့စိတ်တွေ၊ ခံယူချက်တွေ၊ အတွေးအခေါ်တွေကတော့ အရင်လိုပဲ ရင့်ရင့်ကျက်ကျက်နဲ့ လွတ်လပ်နေတုန်းပဲလို့ ကျွန်တော်ယုံကြည်ပါတယ်။ အစ်ကို မကြာခဏပြောတဲ့ “မောင်ပွတ် မင်းသိလား၊ ငါတို့တွေ အများကြီး လုပ်ကြရဦးမယ်” ဆိုတဲ့ စကားလေး အမြဲကြားယောင်နေမိတယ်။ တိုင်းပြည်တိုးတက်ဖို့၊ လူငယ်တွေ ပညာဥာဏ်ရှိဖို့၊ နည်းပညာတွေ အဆင့်မီဖို့ အမြဲတမ်း ထောက်ပြအကြံပေးနေတဲ့ ကိုနေဘုန်းလတ် - အစ်ကို့ဘက်မှာ အမှန်တရားတွေရှိနေပါစေလို့ ကျွန်တော် ဆုတောင်းပါတယ်။

ကိုနေဘုန်းလတ်ရေ -
အစ်ကို ကျွန်တော့်မွေးနေ့တုန်းက ရေးပေးခဲ့တဲ့ စာသားလေးတွေ သတိရမိတယ်။

“အချို့သောရက်တွေမှာ သိပ်မသိသာပေမယ့် ... မိမိတို့ရဲ့ ဘ၀မှာ အမှတ်ရစရာလေးတွေ ဖြစ်ခဲ့တဲ့ ... အလေးအနက်ထား မှတ်သားထားခဲ့တဲ့ အထိမ်းအမှတ်နေ့လေးတွေနဲ့ တိုက်ဆိုင်လာတဲ့အခါ ... ကျွန်တော်တို့ရဲ့ ရင်ထဲက လွမ်းဆွတ်တမ်းတစိတ်ဟာ ... တစ်ဆစ်ဆစ် နာကျင်လာတဲ့ အထိအောင်ကို ဖြစ်လာတတ်တာ ကိုယ်တိုင်ခံစားဖူးတဲ့ အတွက် ကျွန်တော် နားလည်ပါတယ် ...။
မောင်ပွတ်လဲ ... အဲဒီ့လိုပဲခံစားနေလိမ့်မယ်လို့ ကျွန်တော် မှန်းလို့ရပါတယ် ...။
အဲဒီ့လိုအခါမျိုးမှာ ကျွန်တော်တို့တွေအနေနဲ့ ဘယ်သူတစ်ဦးတစ်ယောက်မှ ကိုယ့်အနားမှာ ရှိမနေဘူး ဆိုတဲ့အတွေးတွေကို ဘေးချထားပြီး ... ကိုယ့်ကိုချစ်တဲ့သူတွေ၊ ကိုယ်နဲ့ ယုံကြည်ချက်တူတဲ့သူတွေ ဟာ တစ်နယ်စီခြားနေပေမယ့် စိတ်ချင်းနီးနေကြတယ်ဆိုတဲ့ စိတ်တစ်ခုနဲ့ စိတ်ဓါတ်တွေကို ထိမ်းကြောင်း ရှေ့ဆက်ကြရပါတယ် ...” ဆိုတာလေ။

ကျွန်တော့်ကို ဆုံးမသလိုပဲ အစ်ကိုလည်း တစိမ်းတရံတွေ၊ မချစ်မနှစ်သက်တွေကြားထဲကနေ အစ်ကို့ကို သံယောဇဉ်ရှိတဲ့လူတွေ၊ ချစ်ခင်လေးစားသူတွေအကြောင်းတွေးရင်း စိတ်ဓါတ်တွေကို ထိမ်းကြောင်းနိုင်နေဆဲလို့ ကျွန်တော်ယုံကြည်ပါတယ်။ ပြည်ပမှာ အလုပ်အကိုင်ကောင်းတွေ ရှိပေမယ့် မြန်မာပြည်မှာပဲ နေမယ်ဆိုတဲ့ အစ်ကို၊ နိုင်ငံတကာ အစားအစာတွေ ဘယ်လောက်စားစား “အမေ့လက်ရာ မမီဘူးကွ” လို့ အမြဲပြောနေတတ်တဲ့ အစ်ကို၊ ရောက်ရာနေရာမှာ တိုင်းပြည်နဲ့ လူငယ်တွေအတွက်ပဲ အမြဲချိန်ထိုး စဉ်းစားပေးနေတတ်တဲ့ အစ်ကို - တန်ဖိုးကြီးတဲ့ အချိန်တွေကို ရှိမနေသင့်တဲ့နေရာမှာပဲ အကြောင်းပြချက်မရှိ ဖြတ်သန်းနေရတာကို တွေးမိတိုင်း ကျွန်တော် စိတ်မကောင်းဖြစ်မိပါတယ်ဗျာ။

ကိုနေဘုန်းလတ်ရေ -
မွေးနေ့ဆိုရင် ပျော်စရာကောင်းတာတွေ ရေးကြ၊ စကြ၊နောက်ကြ နေခဲ့ကြပေမယ့် အစ်ကို့မွေးနေ့မှာတော့ ပျော်စရာကောင်းတာတွေ တွေးမိတိုင်း စိတ်မကောင်းဖြစ်ရလို့ ကျွန်တော့်စာက အလွမ်းသီချင်းလို၊ ငိုချင်းတစ်ပုဒ်လို ဖြစ်နေရင်တော့ ခွင့်လွှတ်ပါ။ မနှစ်က ဘလော့ဂ်ဂါအစည်းအဝေးမှာ ကိတ်မုန့်လှီးပြီး cream တွေနဲ့ လိုက်တို့ကြတာ၊ အစ်ကို့မွေးနေ့မှာ ထမင်းလက်စုံစားကြတာတွေ မနေ့တစ်နေ့ကလို သတိရနေတုန်းပါပဲဗျာ။ ကျွန်တော်တို့ ဘလော့ဂ်ဂါတွေကြားထဲမှာ လေးစားစရာ Icon တစ်ခုအနေနဲ့ အစ်ကို့ကို အားလုံးက သတိရနေကြတုန်း၊ အစ်ကို့စာတွေကို မျှော်လင့်နေကြတုန်း၊ လွတ်မြောက်လာဖို့ ဆုတောင်းနေကြတုန်းပါပဲ။ လောလောဆယ်မှာ အုပ်ထိန်းသူမဲ့နေတဲ့ လွတ်ကျထားတဲ့ မြို့တော်ကြီး ပြန်လည်စည်ကားလာတဲ့ နေ့ကြရင် ကျွန်တော်တို့တွေအားလုံး စည်းစည်းလုံးလုံးနဲ့ အရင်လို ပျော်ပျော်ပါးပါး ဆုံကြဦးမယ်ဗျာ။ တစ်ယောက်နဲ့တစ်ယောက် စိတ်မဆိုးတမ်း စနောက်ကြဦးမယ်၊ လိုတဲ့အကူအညီတွေ ပေးကြဦးမယ်၊ တိုင်းပြည်အတွက်၊ ဘလော့ဂ်ဂါတွေအတွက် အလုပ်လုပ်ကြဦးမယ်လေဗျာ။

ကိုနေဘုန်းလတ်ရေ -
အစ်ကို့မွေးနေ့မှာ ဘယ်လိုခါးသီးတဲ့ ပတ်ဝန်းကျင်မျိုးမှာ ကျင်လည်နေရစေကာမူ ပျော်ရွှင်ငြိမ်းချမ်းတဲ့ မွေးနေ့အချိန်ပိုင်းလေးတွေ ပိုင်ဆိုင်နိုင်ဖို့၊ လူရောစိတ်ပါ ကျန်းမာဖို့၊ အမြန်ဆုံး ပြန်လည်လွတ်မြောက်လာဖို့ ကျွန်တော် အလေးအနက်ဆုတောင်း လိုက်ပါတယ်ဗျာ။

သတိရလျက်
ခင်တဲ့ညီငယ်
မောင်ပွတ်

(မနှစ်က ကိုနေဘုန်းလတ် မွေးနေ့အတွက် ရေးပေးခဲ့တဲ့ ပို့စ်လေးဖတ်ချင်ရင် ဒီမှာ ဖတ်ပါ)

မျှော်တိုင်းဝေးတဲ့ ရွှေပြည်တော်

နှစ်ပေါင်းများစွာ သဘာဝဘေးန္တရယ်ဆိုးများနှင့် ဝေးကွာနေခဲ့သော ဗမာပြည်တွင် ယခုတော့ စိုးရိမ်စရာကောင်းသော မုန်တိုင်းဘေးဆိုးကြီး ဝင်ရောက်ဖျက်ဆီးမှုကြောင့် မြစ်ဝကျွန်းပေါ်ဒေသနှင့် ရန်ကုန်တိုင်းအနှံ့ ညက်ညက်ကြေပျက်စီးခဲ့ရလေပြီ။ အစိုးရတရားဝင် ထုတ်ဖေါ်ပြောကြားချက်များတွင် လူ ၂ သောင်း ၃ ထောင်ကျော်ပျက်စီးခဲ့ပြီး သောင်းပေါင်းများစွာ အိုးအိမ်မဲ့ဖြစ်ခဲ့ရသည်ဟုဆိုပါသည်။ ထို့ထက်လည်း ပိုနိုင်သည်ဟု အကဲခတ်များ၊ ကျွမ်းကျင်သူများ၊ ပြည်ပမီဒီယာများကဆိုပါသည်။ ကုလသမဂ္ဂမှ ပြောကြားချက်တွင်တော့ မုန်တိုင်းဒဏ်ခံစားရသူ တစ်သန်းခွဲရှိမည် ဟုဆိုပြန်သည်။

တိုက်ခတ်သွားသော မုန်တိုင်းကတော့ တားဆီးမရနိုင်တော့ပေ။ ပြန်လည်ထူထောင်ရေး လုပ်ငန်းများသာ လုပ်ရန်ရှိတော့သည်။ အပျက်အစီးများသည်ဟု ဆိုသည်နှင့် စေတနာရှင်နိုင်ငံများက ကူညီရန် ဒေါ်လာသန်းချီကမ်းလှမ်းကြသည်။ ကုလသမဂ္ဂ၊ ဥရောပသမဂ္ဂလို ဓနအင်အားတောင့်တင်းသော အဖွဲ့အစည်းများကလည်း စာနာစွာ ကူညီမည်ဟု နာရီမဆိုင်းကြေငြာပေးကြသည်။ အိမ်နီးချင်းနိုင်ငံများက လိုအပ်သော ဆေးဝါးများ၊ ကယ်ဆယ်ရေးပစ္စည်းများ စတင်စေလွှတ်ကြသည်။ လူသေအလောင်းများ နေရာအနှံ့ပြန့်ကျဲနေသော၊ တိရစ္ဆာန်အသေကောင်များ ပုပ်ပွနေသော၊ သစ်ဝါးအိမ်များက အမှိုက်ပုံလို စုပုံသွားသော၊ သစ်ပင်ကြီးငယ်များ အလဲလဲအပြိုပြိုဖြစ်နေသော ဗမာပြည်က မြို့များ မကြာချက်ချင်း ပုံမှန်အခြေအနေ ပြန်ရောက်လာတော့မည်ဟု ကျွန်တော်ယုံကြည်ခဲ့မိပါသည်။ ဒေါ်လာသန်းချီကူညီကြသော လှူဒါန်းမှုများ၊ ပြည်ပရောက် ဗမာပြည်သားများ၏ ချွေးနဲစာများ စုဆောင်းလှူဒါန်းမှုများ၊ သံဃာများ၏ ပညာသင် ထောက်ပံ့ကြေးကို တဆင့်ပြန်လည်လှူဒါန်းမှုများကို ဖတ်ရသောအခါ မျက်ရည်ဝဲလောက်အောင်ပင် ခံစားရပါသည်။ အားလုံးလည်း အေးအေးဆေးဆေး သင့်သင့်မြတ်မြတ် ပြီးဆုံးသွားတော့မည်ဟု ကျွန်တော်ထပ်မံယုံကြည်မိပြန်ပါသည်။

ခုတော့ ကျွန်တော့်ယုံကြည်မှုများသည် အိပ်မက်သဖွယ် ပျောက်ပြယ်တော့မည်လားဟု တွေးစရာများ ဆက်တိုက်ကြားလာရပြန်သည်။ ကုလသမဂ္ဂလက်အောက်ခံ ကမ္ဘာ့စားနပ်ရိက္ခာအစီအစဉ်က ၄င်းတို့၏ ပံ့ပိုးမှုကို ရပ်ဆိုင်းလိုက်သည်။ ပြင်သစ်နိုင်ငံက လှူချင်ပါသော်လည်း ဒုက္ခသည်တွေဆီ ရောက်ပ့ါမလားဟု ပူပင်မိသည်ဟု ဆိုသည်။ ဗမာပြည်က ဒုက္ခသည်တွေမှာတော့ ဘာမှပြန်လည်တည်ဆောက်ခြင်း မလုပ်ရသေး။ အလောင်းကောက်၍ မဆုံးသေး။ ပျောက်ဆုံးသူ ရှာဖွေမတွေ့သေး။ ရေသန့်ဗူးပင် အလုံအလောက်မဝေရသေး။ အကြောင်းရင်းစစ်လိုက်တော့ တရားခံက နေပြည်တော် အခြေစိုက် အစိုးရပင်ဖြစ်သည်။

အစိုးရက ကူညီမှုများကို ကြိုဆိုသော်လည်း ငွေနှင့်ပစ္စည်းသာ အလှူခံမည်၊ လူမဝင်ရဟု ကျပ်တည်းစွာတားမြစ်သည်။ လေယာဉ်နှင့်အတူပါလာသော ဝန်ထမ်းများ လေဆိပ်ကို ကျော်မထွက်ရ။ အမေရိကန်မှ အကူအညီပေးမည့် သင်္ဘောကြီးများက ခွင့်ပြုမိန့်ကို ပင်လယ်ဝမှ လည်တမော့မောစောင့်နေရသည်။ အစိုးရက ၄င်းတို့တွင် အတွေ့အကြုံအပြည့်ရှိသည်၊ ငွေနှင့်ပစ္စည်းသာလိုသည်ဟု ကြေငြာသည်။ ထိုအစိုးရတွင် အတွေ့အကြုံက နေရာတိုင်းတွင် ရှိပုံရသည်။ ဆန္ဒခံယူပွဲဆိုတော့လည်း လာစရာမလို၊ အတွေ့အကြုံရှိသည်ဟုဆိုသည်။ ယခုကယ်ဆယ်ရေးတွင်လည်း အတွေ့အကြုံရှိသည်ဟုဆိုပြန်သည်။ သူတို့အတွေ့အကြုံကို အသုံးချပုံက ကြောက်ဖို့တော့ကောင်းသည်။ ၇ ဇူလိုင်မှ အတွေ့အကြုံ၊ ၈၈၈၈ မှ အတွေ့အကြုံများကို အသုံးချပြီး စက်တင်ဘာအရေးအခင်းကို ကိုင်တွယ်ပုံကတော့ သပ်ရပ်လှသည်။ အတွေ့အကြုံများသော အစိုးရကြောင့်ပင် ယခုတော့ အကူအညီများ လက်လွှတ်ရတော့မလိုဖြစ်နေပေပြီ။

တပ်မတော်အစိုးရဟု သူတို့ကိုယ်သူတို့ခေါ်နေသော စစ်ယူနီဖောင်းဝတ် အာဏာသိမ်းအစိုးရသည် အကြောက်လွန်နေသည်လား၊ ရှက်နေသည်လားတော့ မပြောတတ်။ နိုင်ငံ၏ လက်ရှိအခြေအနေသည် ပြည်ပအကူအညီ လုပ်အားပေးများကို ဝင်ခွင့်ပေးရန် အသင့်မဖြစ်သေးပါဟု ဆိုသည်။ ပြည်ဝင်ခွင့်ဗီဇာမပေးရန် တင်းကျပ်စွာ တားမြစ်သည်ဟု သတင်းများက ဖေါ်ပြကြသည်။ ဆိုးဆိုးရွားရွား စုတ်ပြတ်နေသည်ကို သိ၍ ကူညီမည့်လူများကို ဘာတွေများ ခင်းကျင်းပြသချင်သေးသဖြင့် အသင့်ဖြစ်အောင် စောင့်ခိုင်းသည်တော့မသိ။ WFP က ၄င်းတို့၏ ထောက်ပံ့ပစ္စည်းများကို လက်ဝါးကြီးအုပ် သိမ်းပိုက်မှုကို စိတ်ပျက်သဖြင့် ကူညီမှုကို ခတ္တရပ်ဆိုင်းလိုက်ရပါသည်တဲ့။ လူ ၉ သောင်းခွဲအတွက် တန် ၄၀ ရှိ စားနပ်ရိက္ခာများက ကုလအထူးလေယာဉ်ထဲမှာပင် စတည်းချနေရသည်။ ပြည်တွင်းက လည်တမော့မော့နှင့် မျှော်လင့်နေကြရသော ဒုက္ခသည်များ ဘယ်လောက်စိတ်ပျက် လက်ပျက်ဖြစ်သွားမည်ကို ကျွန်တော် မတွေးရဲလောက်အောင်ဖြစ်ရသည်။ ပင်လယ်ဝရောက်နေသော အမေရိကန် လေယာဉ်တင်သင်္ဘောများကိုလည်း သံသယရှိပုံရသည်။ ဗမာပြည် မုန်တိုင်းဘေးကို ခုတုံးလုပ်ကာ အမေရိကန်ဝါဒဖြန့်သွားမည်၊ စစ်ရေးအသုံးချသွားမည်ကို စိုးရိမ်မကင်းဖြစ်နေမည်မှာ သေချာလှသည်။ တကယ်တော့ ခုတုံးလုပ်နေသူက တာဝန်ရှိသူများပင် ဖြစ်လိမ့်မည်။ “ပြည်သူတွေ ဒုက္ခရောက်တော့ တပ်မတော်အစိုးရကပဲ ကူညီကယ်တင်ရတာ တွေ့တယ်ပေါ့လား။ တပ်မတော်သာ အမိ၊အဖ။ ခင်ဗျားတို့ ထောက်ခံမဲထည့်ကြပါ” ဆိုသည့် အချိုးမျိုးဖြစ်လိမ့်မည်။ ပြည်ပတပ်ဖွဲ့တစ်ခုခုက အစားအစာများ ဝေငှခဲ့လျှင်၊ နေထိုင်စရာ တဲကြီးများဆောက်လုပ်ပေးလျှင် ၄င်းတို့ကို ကြည်ညိုသွားမည်ကို အထူးစိုးရိမ်လှသည်။ ထိုအစွန်းရောက်ဒဏ်ကို လက်တွေ့ခံစားနေရသည်ကတော့ ပြည်တွင်းက ဒုက္ခသည်များပင်ဖြစ်သည်။ မုန်တိုင်းပြီးသွားသည်က ၇ ရက်ပြည့်တော့မည်။ အပျက်အစီးများက မုန်တိုင်းကျထားစဉ်ကနှင့် မကွာလှသေး။ လူသေဆုံးမှုက မရပ်သေး။ ဝမ်းရောဂါ၊ ကူးစက်ရောဂါများအတွက် ကြိုတင်အစီအစဉ်များ မချမှတ်ရသေး။ သို့တိုင်အောင် ဆန္ဒခံယူပွဲကို မြို့နယ်အနည်းအကျဉ်းမှလွဲ၍ ရက်အပြောင်းအလဲမရှိ ကျင်းပဦးမည်။ မုန်တိုင်းဒဏ်မခံရသော ဒေသများအနေနှင့် ဝမ်းနည်းပေးရန်မလို၊ ကိုယ့်အလုပ်ကိုယ်ဆက်လုပ်ကြ၊ ငါတို့ဥပဒေကို မြန်မြန်အတည်ပြုပေးကြဟု ဆိုလိုဟန်တူသည်။ ၄င်းတို့အတွေ့အကြုံကား ဝါးရင်းတုတ်၊ စစ်ခွေးတိုက်၊ G3 များနှင့်သာ အကျွမ်းဝင်ပုံရသည်။

ယဉ်ကျေးသော ဗမာလူမျိုးများအနေနှင့် အကူအညီပေးလာသူကို ရန်သူပင် ဖြစ်လင့်ကစား ကျေးဇူးတင်ကြောင်းပြ၍ ပြေပြေလည်လည် ဆက်ဆံသင့်သည်ဟု ကျွန်တော်ထင်သည်။ ခုတော့ ပြောင်းပြန်ဇောက်ထိုး။ ကူညီချင်သူကို မလာကြနဲ့ဟုတားသည်။ ကူညီနေသူကို မချေမငံလုပ်၍ ကူညီမှုကို ရပ်လိုက်ရသည်။ ဒုက္ခသည်ကူညီမည့် အရေးကို ကုလသမဂ္ဂအခွင့်အာဏာသုံးပြီး အတင်းဝင်ကူညီသင့်သည်ဟု အကြံပြုရသည့် အဆင့်ကို ရောက်နေသည်။ ကူညီမည့်လူက ပြန်တောင်းပန်နေရသည်။ အစိုးရလုပ်ပုံက အတင်းဝင်လာပါက ပစ်သတ်မည့်သဘောရှိသည်။ သင်္ကန်းဝတ်ပြီး ပရိတ်ရွတ်နေသော သံဃာများကိုပင် ခေါင်းရိုက်ခွဲ၊ သေနတ်နှင့်ပစ်နေသူများက နိုင်ငံခြားသားလောက်ကတော့ နှစ်ခါစဉ်းစားနေမည်မထင်။ ပြည်ပမှ ငွေလွှဲပြီး လှူဒါန်းနေသူများကို မေးတော့လည်း တိုးတိုးတိတ်တိတ် လှူဒါန်းရသည်တဲ့။ ငွေကို ဘယ်သူ့ဆီပို့သည်၊ ဘယ်လိုလှူသည်ကို တတ်နိုင်သလောက် လျှို့ဝှက်ရသည်တဲ့။ အံ့သြစရာကောင်းလှပေသည်။

တချိန်က ကျွန်တော်တို့ မျှော်လင့်ခဲ့သော ၂၄ နာရီမီးလင်းသည့် ရန်ကုန်တိုင်း၊ ချောမွေ့သော လမ်းမများနှင့် ရန်ကုန်မြို့တော်၊ သစ်ပင်များနှင့် စိမ်းစိုလှသည့် ဗမာပြည်တို့သည် ဝေးကွာသွားပြန်ချေပြီ။ အခြားပြိုင်ဘက်နိုင်ငံများ ရှေ့ဆက်နေချိန်၊ ကမ္ဘာနှင့်ဝင်ဆံ့အောင် အမျိုးမျိုးကြိုးစားနေချိန်တွင် ဗမာပြည်က တန့်နေရုံသာမက နောက်ပင် ပြန်ဆုတ်နေသည်ဟု ကျွန်တော်ထင်သည်။ တာဝန်ရှိသူဟု သုံးနှုန်းနေသူများအနေနှင့် တာဝန်ကို ကျေပွန်အောင် လုပ်သင့်ပြီဖြစ်သည်။ ပြည်သူကို ရင်ဝယ်သားလို သဘောထားသည်ဆိုပါက လက်ရှိကြုံတွေ့နေသော အခက်အခဲများအတွက် နိုင်ငံတကာနှင့်ဝိုင်းဝန်း ဖြေရှင်းသင့်ပြီဖြစ်သည်။ ကိုယ်တိုင်လည်း မပြီးမြောက်နိုင်၊ ကူညီသူကိုလည်း လက်မခံလုပ်နေသည်မှာ မိုက်မဲလှသည်။ ဤပုံအတိုင်းဆိုလျှင် ကျွန်တော်တို့ ရွှေပြည်တော်မှာ မျှော်တိုင်းဝေးနေဦးမည်ဖြစ်ပါသည်။

မုန်တိုင်းဒဏ်ခံပြည်သူများကို ကိုယ်ချင်းစာနာလျက် ...

မဲပေးကြပြီ

ကျွန်တော် ဒီနေ့ စင်ကာပူက မြန်မာသံရုံးမှာ အခြေခံဥပဒေကို ထောက်ခံလား၊ ကန့်ကွက်လားဆိုတာ မဲသွားပေးပါတယ်။ စင်ကာပူရောက် မြန်မာတွေထဲက သံရုံးနဲ့ အဆက်အဆံရှိဖူးသူတွေနဲ့ အခြားဖိတ်ကြားခံ ပုဂ္ဂိုလ်တွေဆီကို မဲပေးဖို့ ဖိတ်စာတွေပို့နေပြီဆိုတော့ ကျွန်တော်ဖိတ်စာမရနိုင်တာ သေချာသွားပါတယ်။ ကျွန်တော့် လိပ်စာသူတို့မှာ မရှိသလို သူတို့ဆီလည်း ကျွန်တော် တစ်ခါမှ မသွားဖူးပါဘူး။ သံရုံးရဲ့ Official Website က ကြေငြာချက်မှာလည်း “မဲဆန္ဒပေးပိုင်ခွင့်ရှိသည့် မြန်မာနိုင်ငံသားများ” လို့ ထည့်ရေးထားတော့ ကျွန်တော်က ပေးပိုင်ခွင့်ရှိ မရှိ ဘယ်လိုမှ မသိနိုင်ဘူးဖြစ်နေခဲ့ပါတယ်။ ကျွန်တော်သိရသလောက် သာ့သနာ့ဝန်ထမ်းနဲ့ စိတ်ဝေဒနာသည်တွေကလွဲရင် အသက်ပြည့်သူ၊ မြန်မာနိုင်ငံသားတိုင်း မဲပေးခွင့်ရှိပါသတဲ့။ ကျွန်တော်က သာသနာ့ဝန်ထမ်းတော့ မဟုတ်တာသေချာတယ်။ စိတ်ဝေဒနာသည်လားတော့ မသေချာဘူးလေ။ ဒါနဲ့ ဒီနေ့ အဖေါ်ကောင်းတုန်း သံရုံးကို Passport မိတ္တူလေးနဲ့ စင်ကာပူအစိုးရပေးထားတဲ့ နေထိုင်ခွင့်လက်မှတ်လေးယူ၊ အခွန်ဆောင်မှ မဲပေးရမယ်ဆို ဆောင်လို့ရအောင် ငွေသားလေး နည်းနည်းယူပြီး လိုက်ချသွားပါတယ်။ သံရုံးဂိတ်ဝက ဝန်ထမ်းတွေက အတတ်နိုင်ဆုံး ပြေပြေလည်လည်နဲ့ ဖိတ်စာပါသူတွေ၊ မပါသူတွေကို ရှင်းပြစီစဉ်နေတာ တွေ့တော့ နည်းနည်းတော့ စိတ်အေးသွားပါတယ်။ ကျွန်တော်နဲ့ အတူသွားတဲ့ သူငယ်ချင်းက သံရုံးဝန်ထမ်းတစ်ယောက်နဲ့ သိလို့ ကျွန်တော်လည်း သူနဲ့အတူ အချိန်သိပ်မစောင့်ရဘဲ Passport မိတ္တူလေးပြ ဝင်ခွင့်ရလိုက်ပါတယ်။ အထဲမဝင်ခင်မှာတော့ နာမည်နဲ့ Passport နံပတ်လေးကို စာရွက်ပိုင်းလေး တစ်ခုမှာ ဖြည့်ပေးရပါတယ်။ သူတို့က အဲဒီက နာမည်ကို အထဲက ဖိတ်စာ list မှာသွားရှာပြီး ရှိရင် ဝင်၊ မရှိရင် Passport တောင်းကြည့်၊ ၂၉ ရက်နေ့ပြန်ချိန်း စသည်ဖြင့် လုပ်ပေးနေတာတွေ့ပါတယ်။ ပေးခွင့်မရှိဘူးလို့ ငြင်းလွှတ်လိုက်တဲ့ လူတော့မတွေ့ခဲ့မိပါဘူး။ တိုက်တိုက်ဆိုင်ဆိုင် စင်ကာပူက ဒီမနက်ထုတ် Today သတင်းစာမှာ မနေ့က တချို့ဗမာတွေ မဲမပေးလိုက်ရဘူးလို့ ဓါတ်ပုံ အကိုးအကားနဲ့တကွ ဖေါ်ပြထားပါသေးတယ်။ ဒါကြောင့် ဒီနေ့မှပဲ ပြောင်းလဲသွားတာလားလို့ တွေးမိပါသေးတယ်။

အထဲရောက်သွားတော့ မဲစာရွက်၊ စာအိတ်တစ်လုံးနဲ့ လက်မှတ်ထိုးရမယ့် စာရွက်တစ်ရွက်ပေးပါတယ်။ လက်မှတ်ထိုးပြီး အဲဒီစာရွက်ကိုတော့ ပြန်ပေးခဲ့ရပါတယ်။ မဲပေးတဲ့စနစ်ကတော့ တကယ်ပဲ လျှို့ဝှက်ပုံရပါတယ်။ အမှန်ခြစ်ဆို ထောက်ခံမဲ၊ ကြက်ခြေခတ်ဆိုရင်တော့ ကန့်ကွက်မဲလို့ သတ်မှတ်ပါတယ်လို့ ရေးထားပါတယ်။ ကိုယ့်ဆန္ဒအတိုင်းခြစ်၊ စာအိတ်ထဲထည့်၊ ကော်နဲ့ပိတ်ပြီး မဲရုံမှုးနားက မဲပုံးတွေထဲမှာ ထည့်ထားခဲ့ရုံပါပဲ။ ထည့်ပြီးပြန်ပေါ့။ ဒါပါပဲ။ ကျွန်တော်ကတော့ အများမြင်ရအောင် မဲစာရွက်ကို ဓါတ်ပုံကလေး ခိုးရိုက်လာသေးတယ်။


ဒီတော့ စင်ကာပူရောက်နေတဲ့ မြန်မာတွေ အနေနဲ့ မနက်ဖြန် ပ်ိတ်ရက်ဖြစ်တဲ့ တနင်္ဂနွေနေ့မှာ Passport မိတ္တူလေးတွေ ကိုယ်စီယူပြီး ထောက်ခံသည်၊ ကန့်ကွက်သည်ကို မပျက်မကွက် မဲသွားပေးကြဖို့ ကျွန်တော် တိုက်တွန်းချင်ပါတယ်။ ဗမာတွေစုံတဲ့ City Hall နားမှာလည်း ကားစီစဉ်ပေးမယ်လို့ SMS တွေရထားပါသေးတယ်။ မဲပေးခွင့်ကတော့ ၂၉ ရက်နေ့ အထိပါ။ အစိုးရက ဟိုလိုလုပ်မှာ၊ ဒီလိုလုပ်မှာ၊ ကန့်ကွက်ရင် င့ါဖမ်းမလား၊ ထောက်ခံမှ စိတ်ချရမယ်ထင်တယ် စတဲ့ ကိုယ် ဖန်တီးစီစဉ်လို့မရတာတွေ ပြောနေမယ့်အစား ကိုယ်လုပ်ပိုင်ခွင့်ရှိတဲ့ မဲတစ်ပြားရဲ့ တန်ဖိုးကို အပြည့်အဝ အဖိုးတန်သွားအောင် မဲပေးသင့်ပါတယ်။ ထောက်ခံပါလို့လည်း မပြောပါဘူး၊ ကန့်ကွက်ပါလို့လည်း လုံးဝမတိုက်တွန်းပါဘူး။ နှစ်သက်ရာကိုလုပ်ပါ။ ဒါပေမယ့် အခုဟာက ဘာကို ကန့်ကွက်၊ ထောက်ခံရမှာလဲ၊ အခြေခံဥပဒေဆိုတာဘယ်လောက် အရေးကြီးလဲ၊ ဘာတွေပါသလဲ ဆိုတာကိုတော့ အသေးစိတ်မဟုတ်တောင် နည်းနည်းတော့ အရင်လေ့လာစေချင်ပါတယ်။ လေ့လာလို့ ကြိုက်ရင် ထောက်ခံ၊ မကြိုက်ရင် ငြင်းမယ်ပေါ့။ အစိုးရဆီက ရခဲတဲ့ တရားဝင် ဆန္ဒဖေါ်ထုတ်ခွင့်ကလေးကို အကျိုးရှိစွာ အသုံးချကြပါစို့ ...

ပြန်စာ

ကျွန်တော့် အိုအေစစ် ဘလော့ဂ်လည်း အသက်ငင်နေတာ ကြာပါပြီ။ ရေးတလှည့် ပျောက်တလှည့်နဲ့ လာဖတ်တဲ့လူတောင် ခပ်ကြဲကြဲပဲရှိတော့တယ် ထင်ပါတယ်။ ရေးချိန်မရတာ၊ တခါတလေတော့လည်း ရေးစရာမရှိတာနဲ့ပဲ ကျွန်တော်ပျော်တဲ့ ဘလော့ဂ်ဂါဘဝနဲ့ ခပ်ကင်းကင်းတောင် ဖြစ်နေသလိုပါပဲ။ ခုတော့လည်း ရေးစရာလေး တစ်ခုပေါ်လာလို့ ရေးလိုက်ပါတယ်။

ပြီးခဲ့တဲ့ ရက်ပိုင်းကတော့ ကျွန်တော့်နာမည်ပါတဲ့ ဆောင်းပါးတစ်ပုဒ်ကို ဧရာဝတီ website မှာ ဗမာ၊ အင်္ဂလိပ် ၂ ဘာသာနဲ့ ရေးထားတာ တွေ့ပါတယ်။ သူရေးထားက ဘလော့ဂ်ဂါတွေနဲ့ အင်တာနက် သုံးစွဲသူတွေကို Cyber အတိုက်အခံတွေအဖြစ် ထောက်ပြထားပြီး အစိုးရအနေနဲ့ သတင်းစီးဆင်းမှုကို တားဆီးပုံနဲ့ တားဆီးလို့ မရနိုင်သေးတာတွေ ယှဉ်ပြီးရေးထားတာပါ။ နောက်ပြီး ကိုနေဘုန်းလတ် အဖမ်းခံရတဲ့ကိစ္စနဲ့ ကျွန်တော့်ရဲ့ Blogger တို့ရဲ့ ၂၀၀၇ ပို့စ်က စာသားတချို့ကို လိုသလို ဖြတ်တောက်ဖေါ်ပြထားတာ တွေ့ရပါတယ်။ တကယ်တော့ အဲဒီပို့စ်ရေးသားတဲ့အချိန်တုန်းက ကျွန်တော့်တို့ဟာ Blogger မှန်သမျှ စည်းလုံးကြဖို့၊ ချစ်ချစ်ခင်ခင် တိုင်တိုင်ပင်ပင် ရှိကြဖို့ အားသွန်ခွန်စိုက် ကြိုးပမ်းနေကြချိန်ဖြစ်ပါတယ်။ ၂၀၀၇ မှာ ဘလော့ဂ်ဂါတွေဟာ အရေအတွက်အားဖြင့် တိုးပွါးလာရုံသာမကာ စည်းလုံးမှုနဲ့ စုပေါင်းဆောင်ရွက်မှုတွေမှာလည်း အတိုင်းအတာတစ်ခုအထိ ရောက်ရှိလာခဲ့ပါတယ်။ အဲဒါလေးတွေကို သတိတရနဲ့ ကျွန်တော်က အဲဒီပို့စ်ကိုတင်ပါတယ်။ ဘာဖြစ်လို့လဲဆိုတော့ ဘလော့ဂ်ဂါတွေ အဲဒီလို စည်းလုံးကြတာ၊ ချစ်ခင်ကြတာကို ကျွန်တော့်အနေနဲ့ သိပ်သဘောကျပြီး အဲဒီလို စည်းလုံးအောင်လုပ်ပေးတဲ့ လူတွေကိုလည်း သိပ်ကျေးဇူးတင်လို့ပါ။ ဘလော့ဂ်ဂါတွေ ခေတ်ကောင်းတဲ့ တချိန်လုံး ကျွန်တော်က ပြည်ပရောက်နေလို့ ကျွန်တော်က လေစိုက်တဲ့ လေသမားပေါ့။ ကျွန်တော့်ပို့စ်ရဲ့ အောက်ဆုံးအပိုဒ် နိဂုံးလေးမှာ ကျွန်တော်က

တကယ်တော့ Blog တွေဟာ ရနံ့စုံတဲ့ ပန်းခင်းတစ်ခုနဲ့တူပါတယ်။ အားလုံးကို စာဖတ်သူတွေ ကြိုက်ချင်မှတော့ ကြိုက်ပါလိမ့်မယ်။ ဒါပေမယ့် သူ့မှာလည်း သူ့ကြိုးစားမှုနဲ့ ကိုယ်ပိုင်အသွေးအရောင် ရှိပါတယ်။ သူ့စာဖတ်ချင်တဲ့လူက သူ့ Blog ကိုသွားရပါမယ်။ မကြိုက်ရင် မသွားရုံသာမက ဝေဖန်လို့လည်း ရပါတယ်။ နိုင်ငံရေးစကားနဲ့ဆို ဒီမိုကရေစီ ဆန်ပါတယ်။ လွတ်လပ်စွာ ရေးသားပါ။ ဝေဖန်ပါ။ ဒါကြောင့်လည်း Blog တွေကို လူတွေ တစိုက်မတ်မတ် ဖတ်လာ၊ ရေးလာကြတာပါ။ ကျွန်တော်ကတော့ ၂၀၀၇ မှာ လှပခဲ့တဲ့ Blog ပန်းခင်းကြီးဟာ နောက်နောင်နှစ်များမှာလည်း ဒါထက်မလျော့တဲ့ စည်းလုံးမှုတွေနဲ့ လှပနေဦးမယ်လို့ ယုံကြည်မျှော်လင့်ပါတယ်ဗျာ။

လို့ ရေးထားပါတယ်။ ကျွန်တော်တို့ ကျင်လည်နေတဲ့ ဘလော့ဂ်လောကကို ပန်းခင်းတစ်ခု၊ လွတ်လပ်ပွင့်လင်းမှုကို ဒီမိုကရေစီဝါဒနဲ့ နှိုင်းယှဉ်ရေးထားတာပါ။ ဒါပါပဲ။ အဲဒါကို လိုချင်တဲ့နေရာလေးပဲ ကွက်ပြီး ဖေါ်ပြလိုက်တော့ ဒီပို့စ်က နိုင်ငံရေးလိုလို၊ အစိုးရကို စိန်ခေါ်သလိုလို ဒါမှမဟုတ် အခြားအဓိပ္ပါယ်တစ်ခုကို ရောက်နေတယ်လို့ ကျွန်တော်တော့ မြင်မိတယ်။ တကယ်တော့ ဘလော့ဂ်ဂါတွေဟာ အရောင်အသွေး အစုံရှိပါတယ်။ သူတို့စိတ်ကြိုက် နိုင်ငံရေး၊ ကဗျာ၊ အချစ်၊ ဗဟုသုတ၊ သတင်း၊ အမေ၊ ဘာသာပြန် အစုံရှိပါတယ်။ ဘာအကြောင်းဖတ်ချင်သလဲ။ ဘလော့ဂ်ထဲမှာ ရှိပါတယ်။ ဒါပေမယ့် ကျွန်တော်တို့ အလုပ်ကို စုပေါင်းလုပ်ကြတဲ့အခါ သူဘာရေးသလဲဆိုတာထက် သူဘာလုပ်ပေးနိုင်သလဲနဲ့ပဲ တိုင်းတာကြပါတယ်။ သူတို့ကိုယ်ပိုင် အရောင်တွေထားခဲ့ကြပြီး စည်းလုံးညီညွတ်စွာ စုပေါင်းကြပါတယ်။ ဥပမာအနေနဲ့ ပြီးခဲ့တဲ့ Seminar ကိုပဲ ပြန်ကြည့်ပါ။ အခုဖြစ်နေတာက ဘလော့ဂ်ဂါဆို နိုင်ငံရေးသမားတွေ၊ နိုင်ငံရေးမှ မရေးထားရင် ဘလော့ဂ်မဟုတ်သလို၊ မျိုးချစ်စိတ်မရှိသလို ထင်နေကြတာပါပဲ။ အမှန်က အဲဒီလို မဟုတ်ဘူးဗျ။ နိုင်ငံရေးဟာ လူတိုင်းနဲ့ဆိုင်ပါတယ်၊ လူတိုင်းသိထားရမယ်၊ ဒါပေမယ့် ရေးချင်မှရေးမယ်၊ လုပ်ချင်မှလည်း လုပ်မယ်၊ ဒါက သူတို့ရဲ့ ကိုယ်ပိုင်အခွင့်အရေးပြန်ဖြစ်သွားပါတယ်။ ဘလော့ဂ်ရေးသူတွေမှာ နိုင်ငံရေးအပြင် ရေးစရာ၊ လုပ်စရာတွေ အများကြီး ရှိပါတယ်။ အစိုးရကို ထောက်ခံမှ၊ ဝေဖန်မှ နိုင်ငံရေးမဟုတ်ဘဲ ပရဟိတအလုပ်တွေ၊ တတ်နိုင်သလောက်ကူညီတာတွေလည်း တိုင်းပြည်ကို အကျိုးပြုမှာပါ။ တခါတလေတော့လည်း လိုရာဆွဲတာတွေက သိပ်မကောင်းဘူးဗျ။ စိတ်ပျက်မိတယ်။

TP သင်္ကြန်နဲ့ ကျွန်တော့်အတွေးများ

ကျွန်တော်မနေ့က TP သင်္ကြန် လို့ လူသိများတဲ့ Temasek Poly ရဲ့ ကျောင်းသားကပွဲ သွားကြည့်တယ်။ သွားကြည့်တဲ့ အကြောင်းရင်းတွေကတော့ အများကြီးပါ။ ရန်ကုန်မှာကတည်းက နှစ်စဉ်ထွက်တဲ့ အခွေလေးတွေကြည့်ပြီး ကိုယ်တိုင်ကြည့်ဖူးချင်တာ၊ ကျွန်တော်အကြိမ်ကြိမ် ကြိုးစားပြီး အကြောင်းကြောင်းကြောင့် မတက်လိုက်ရတဲ့ ပိုလီကျောင်းကို ရောက်ဖူးချင်တာ (ပွဲကျင်းပတာကတော့ RP မှာပါ)၊ ပွဲဖြစ်မြောက်ဖို့ ကြိုးစားနေတဲ့လူတွေထဲမှာ ကိုဇင်ကိုလတ်တို့၊ ကိုငယ်တို့လို လူရင်းအစ်ကိုကြီးတွေပါနေတာ၊ နောက်ပြီး ကွဲကွာနေတဲ့ သူငယ်ချင်းတွေလည်း လာမယ်ဆိုတာနဲ့ သွားခဲ့တာပါ။ ကျွန်တော်နဲ့အတူ ကိုညီညီ(သံလွင်) နဲ့ မပိုး၊ မနေနေနိုင် တို့ အတူကြည့်ဖြစ်ပါတယ်။ ကျွန်တော် စင်ကာပူရောက်ပြီး တစ်လလောက်နေတော့ SP လို့ခေါ်ကြတဲ့ စင်ကာပူပိုလီကျောင်းရဲ့ ကပွဲကို မနိုင်းနိုင်းစနေ၊ ကိုဇင်ကိုလတ်တို့ နဲ့သွားကြည့်ဖြစ်သေးလို့ အခုဒီပွဲကတော့ ကျွန်တော် ဒုတိယမြောက်ကြည့်ဖြစ်တဲ့ Poly ပွဲပါပဲ။

ဒီနှစ်ဟာ TP မြန်မာ ဖွဲ့စည်းခြင်း ဆယ်နှစ်ပြည့်ဖြစ်ပြီး ကပွဲအနေနဲ့ကတော့ ၈ ကြိမ်မြောက်ဖြစ်ပါတယ်။ ဒါကြောင့် အတွေ့အကြုံကောင်းတွေ ရပြီးသားဖြစ်တာနဲ့အညီ လူကြီးနဲ့လူငယ်၊ ကျောင်းသားဟောင်းနဲ့ ကျောင်းသားသစ် အတွဲညီညီ ပွဲထွက်ခဲ့ကြတာဟာ အထူးပဲ ပြည့်စုံလှပါတယ်။ အဆို၊ အက၊ သံချပ်၊ ပြဇာတ်၊ အငြိမ့် အားလုံးဟာ ပညာရှင်တွေများလားလို့ ထင်ရလောက်အောင် အမှားအယွင်းမရှိ အသုံးတော်ခံသွားကြပါတယ်။ အရင်နှစ်တွေက တက်ကြွစွာပါဝင်ခဲ့ပြီး ဒီနှစ်မှာတော့ ပြည်ပ ရောက်နေတဲ့ ကျောင်းသားခေါင်းဆောင်ဟောင်းတွေရဲ့ အမှတ်တရ စကားပြောပေးတဲ့ Video Clip လေးတွေ ဖွင့်ပြသွားတာကလည်း သတိတရရှိတတ်မှု၊ ပုခုံးပြောင်းတာဝန်ကို ကျေပွန်စွာ ထမ်းဆောင်နိုင်မှု၊ ရှေ့ဆောင်လမ်းပြ လုပ်ပေးသွားသူတွေကို ကျေးဇူးသိတတ်မှုတွေနဲ့ ဗမာတွေမှာ ချစ်စရာကောင်းတဲ့ ယဉ်ကျေးမှုရှိတယ်ဆိုတာကို သက်သေပြသွားသလိုပါပဲ။ နောက်ဆုံးပိတ်အနေနဲ့ TP ရင်ခုန်သံ ဆိုတဲ့သီချင်းကို အားလုံးစုဆိုနေကြတဲ့ သူတို့မျက်နှာတွေမှာ ပွဲအောင်မြင်လို့ ပီတိဖြာနေတဲ့ အပြုံးနဲ့အတူ ကျောင်းနဲ့ခွဲခွါရမှာကို ဝမ်းနည်းနေကြတာ မြင်သာပါတယ်။

ပွဲကျင်းပချိန်က နေ့လယ် ၂ နာရီခွဲကနေ ည ၁၀ နာရီအထိကြာမြင့်ခဲ့သလို အစီအစဉ်တွေကိုလည်း အစပ်အဟပ်တည့်တည့် ထည့်သွင်းသွားပါတယ်။ လက်မှတ်၊ အစားအသောက်၊ နေရာအစီအစဉ်၊ Stage Setting၊ ကံစမ်းမဲ၊ လက်ဆောင် စတာတွေအားလုံးကိုလည်း စနစ်တကျ လစ်ဟာမှုမရှိအောင် Organizer တွေက စီစဉ်သွားတာကိုလည်း တွေ့မိပါတယ်။ SP ပွဲတုန်းကလည်း ဒီထက်မညံ့တဲ့ စီစဉ်မှုတွေ တွေ့ခဲ့ဖူးပါတယ်။ ဒီတော့ ကျွန်တော်စဉ်းစားမိတယ်။ သူတို့ဟာ Professional ပွဲစီစဉ်သူတွေ၊ အငြိမ့်သွင်းသူတွေ မဟုတ်ပါဘူး။ ကျောင်းသား၊ ကျောင်းသားဟောင်း၊ အလုပ်ဝင်နေသူတွေပဲဖြစ်တယ်။ ဒါပေမယ့် အစစအရာရာ ညှိညှိနှိုင်းနှိုင်းနဲ့ စီစဉ်တတ်နေကြတယ်။ သူတို့ကိုယ်ပိုင်အရည်သွေးတွေကို တစ်ဦးတည်းအတွက်မသုံးဘဲ Team Work တစ်ခုဖြစ်လာအောင် ထည့်ထားကြတယ်။ စိတ်မကောင်းစရာက ဒီလို လုပ်နိုင်တဲ့လူတွေ၊ လုပ်နေတဲ့လူတွေဟာ အမိနိုင်ငံမှာ မနေထိုင်နိုင်ဘဲ ပြည်ပမှာပဲ နေကြရတယ်။ အရည်အချင်းတွေကို ပြည်ပကုမ္ပဏီတွေ အတွက်ပေးဆပ်နေကြရတယ်။ သူတို့စီစဉ်တဲ့ ပွဲတွေဟာလည်း ပြည်ပမှာပဲ ဖြစ်တယ်။ ပြည်ပမှာ ကျောင်းတက်ချင်တဲ့ ကျောင်းသားအရေအတွက်ကလည်း တိုးမြဲတိုးနေတယ်။ ကျောင်းပြီးတဲ့ ကျောင်းသားတွေကလည်း ပြည်ပမှာပဲ အခြေစိုက်ချင်တော့တယ်။ တိုင်းပြည်ချစ်တဲ့လူတွေကို ဘာလို့ တိုင်းပြည်ထဲ ပြန်ေ၇ာက်လာအောင် မဆွဲဆောင်နိုင်ရသလဲ။ အခုလို အရည်အချင်းရှိတဲ့ ပညာတတ်တွေ ပြည်ပရောက်နေတာ တိုင်းပြည်သိပ်နစ်နာတယ်လို့ ကျွန်တော်တော့ ယုံတယ်။

ကျွန်တော်တို့ နိုင်ငံမှာ ဘာလို့ အခုလိုကျောင်းသားကပွဲတွေ၊ သက်ဆိုင်ရာ တက္ကသိုလ်နဲ့ ကောလိပ် Club တွေ၊ ကျောင်းသားအားကစားပွဲတွေ ဆိတ်သုဉ်းနေရတာလဲ။ ရှိတဲ့ကျောင်းသားကပွဲတွေ၊ ပျော်ပွဲရွှင်ပွဲတွေကလည်း ဆရာ၊ ဆရာမတွေရဲ့ ရှေးရိုးလွှမ်းမိုးမှု အောက်ကမလွတ်နိုင်တဲ့ ကဗျာလွတ်အက၊ ပန်းပွါးအက၊ ဘုရားဇာတ်တော်ပြဇာတ်တွေနဲ့ပဲ ပြီးနေကြပြန်ပါတယ်။ တက္ကသိုလ်တွေက Fresher Welcome ဆိုတဲ့ အလေ့အထလည်း မကြားမိတာတောင် အတော်ကြာခဲ့ပါပြီ။ အနှစ်ချုပ်လိုက်တော့ မြန်မာပြည်ကကျောင်းတွေမှာ Team Work ပျောက်နေတယ်လို့ ကျွန်တော်မြင်မိတယ်။ ကျောင်းသားတွေချည်းပဲ စုပေါင်းလုပ်တဲ့ ပွဲတစ်ခု၊ အစီအစဉ်တစ်ခုဆိုတာ ကထိန်မှာ ပဒေသာပင်သီးတာကလွဲပြီး ကျန်တာ မရှိသလောက်ဖြစ်နေပါတယ်။ ဒီတော့ ကျောင်းတက်၊ အိမ်ပြန်၊ ကျူရှင်သွား၊ နောက်နေ့ကျောင်းလာ၊ ဒါမှမဟုတ် အဝေးသင်တက်နေတဲ့ကျောင်းသားတွေအနေနဲ့ အရေးအကြောင်းဟေ့ဆို ငါ့ကျောင်း၊ ငါ့တက္ကသိုလ်၊ ငါတို့ကျောင်းသား Club ဆိုပြီး ရောက်ရာအရပ်ကနေ လာစုစည်းပါတော့မလား၊ ကျောင်းကို ချစ်ပါတော့မလား၊ အကူအညီပေးပါတော့မလား။ ခက်တာက ရန်ကုန်ဘက်မှာက အသင်းအဖွဲ့လေးတစ်ခု အပျော်တမ်းဖွဲ့မယ်ဆိုရင် နိုင်ငံရေးလုပ်မှာလား၊ နိုင်ငံရေးသမားပါလား ဆိုတာက စမေးတော့တာပဲ။ ကျောင်းသားတွေအနေနဲ့ နိုင်ငံရေးအပြင် လုပ်စရာတွေ အများကြီးပါ။ အခု Poly ပွဲလိုမျိုး၊ TP မြန်မာ အဖွဲ့လိုမျိုးပေါ့။ အရမ်းစည်းလုံးကြတယ်။ ရိုင်းပင်းကြတယ်။ အားနည်းတဲ့လူကို ကူညီကြတယ်။ စင်ကာပူထဲက ဗမာနိုင်ငံငယ်လေးလို့ မြင်ယောင်ကြည့်လို့ရတယ်။ ပြည်တွင်းမှာလည်း ကျောင်းသားတွေ၊ ကျောင်းသားဟောင်းတွေအနေနဲ့ ကျောင်းကို ပြန်ပံ့ပိုးဖို့၊ ဆရာတွေကို ပြန်ပူဇော်ဖို့၊ ကျောင်းဂုဏ်ကို မြှင့်ဖို့ Team Work ကောင်းတဲ့ အဖွဲ့လေးတွေ ရှိကိုရှိသင့်တယ်လို့ ကျွန်တော် အလေးအနက် ယုံကြည်မိပါတယ်။

ချီးမွမ်းကြစို့

The Straits Times သတင်းစာကြီးရဲ့ ပြင်ပဆောင်းပါးရှင် David Goldwich ရဲ့ Make Someone’s Day ဆောင်းပါးကို ဆီလျော်အောင် ဘာသာပြန်၊ ကိုးကားတင်ဆက်ပေးလိုက်ပါတယ်။

ပြီးခဲ့တဲ့ တစ်ပတ်အတွင်း ခင်ဗျား လူဘယ်နှစ်ယောက်ကို ဘယ်နှစ်ကြိမ်လောက်များ ချီးမွမ်းဖြစ်ခဲ့သလဲဗျ။ ခင်ဗျားရော ဘယ်နှစ်ခါလောက် ချီးမွမ်းခံလိုက်ရလဲ။ ကျုပ်စိတ်ထင်တော့ ခင်ဗျားလည်း သိပ်မလုပ်ဖြစ်ဘူး၊ ခင်ဗျားလည်း သိပ်အချီးမွမ်းမခံလိုက်ရဘူးပေါ့လား။

တကယ်တော့ ချီးမွမ်းစကားပြောတယ်၊ အကောင်းပြောတယ်ဆိုတာ လူတစ်ယောက်ရဲ့ စ်ိတ်ကို ပြောင်းလဲသွားစေတယ်၊ နူးညံ့သွားစေတယ်ဗျ။ လူသားဆိုတာမျိုးက အသိအမှတ်ပြုတာ၊ ကျေးဇူးတင်လေးစားတာကို လိုချင်တဲ့ သတ္တဝါမျိုးလေ။ ချီးမွမ်းမှုဟာ လူတစ်ယောက်ပျော်ရွှင်သွားစေဖို့ အကောင်းဆုံးလက်ဆောင်ပဲ ကိုယ့်လူရေ။ ခင်ဗျားလည်း ချီးမွမ်းလိုက်ရလို့ ငွေကုန်မသွားပါဘူးဗျာ။ ခက်တာက ကျုပ်တို့လောကမှာ ဘာလို့ ချီးကျူးစကားပြောတာတွေ ဒီလောက်ခေါင်းပါးနေလဲ မသိတာပဲ။ တစ်ခုတော့ ရှိတယ်ဗျို့။ ပြောတတ်ဖို့တော့လိုတယ်။ လှတယ်လို့ ပြောတာဟာ ချီးမွမ်းတာ မှန်ပေမယ့် အပြောခံရတဲ့လူ တကယ်လှလို့ ပြောတာနေမယ်လို့ ထင်သွားဖို့သေးတာကလား။ တကယ်တော့ အဲဒီလိုချီးမွမ်းစကားတွေကလေ - သူတို့နဲ့ ခင်ဗျားနဲ့ကို ပိုမိုရင်းနှီးစေမယ့် နည်းလမ်းကောင်းဗျ။ ခင်ဗျားနည်းနည်းလေ့ကျင့်ကြည့် - ဆရာတစ်ဆူဖြစ်လာဖို့ သိပ်လွယ်တာ။

ဘယ်လိုချီးမွမ်းပြောဆိုရမယ်ဆိုတာ မပြောခင် ခင်ဗျားဘယ်လို ပြင်ဆင်ရမယ်ဆိုတာလေး ပြောပြဦးမယ်။ လူတစ်ယောက်ကို မချီးမွမ်းခင်မှာ ခင်ဗျားက ပြုံးပြီး မျက်လုံးချင်းဆုံအောင်ကြည့်ဖို့လိုတယ်။ ခင်ဗျားပြုံးပြလို့ နွေးနွေးထွေးထွေး ပြန်မပြုံးပြတဲ့လူရယ်လို့ ဘယ်ရှိမလဲ။ လူချင်းစကားပြောလို့ မျက်နှာမကြည့်ဘဲ ဘေးကိုကြည့်လိုက်၊ ကောင်းကင်မော့ကြည့်လိုက်နဲ့လူကိုလည်း လူတွေက အယုံအကြည်နည်းတတ်တယ်ဗျ။ ဒါကြောင့် စကားစတာနဲ့ သူ့မျက်နှာ၊ အဓိကမျက်လုံးကိုကြည့်ပြောပါ။ စကားပြောရင်လည်း နာမည်လေးထည့်ပြောဗျ။ ကြုံလို့ ဒေးလ်ကာနက်ဂျီ ရေးဖူးတဲ့ စာလေးတစ်ကြောင်းပြောပြဦးမယ်။ “ကိုယ့်နာမည်လောက် ချိုသာပြီး ကြားကောင်းတဲ့ စကားသံတော့ ကမ္ဘာလောကမှာ မရှိပေါင်” ဆိုပဲ။ စကားပြောလို့ သူ့နာမည် ခေါ်ခေါ်သုံးလို့ကတော့ ခင်ဗျားကို ကျိန်းသေပေါက်မှတ်မိနေလိမ့်မယ်ဗျို့။

တကယ်တော့ ချီးမွမ်းတယ် ဆိုတဲ့စကားလုံး ကိုယ်နှိုက်ကိုက ချိုသာနေပြီဗျ။ အဲဒီကြားထဲ ခင်ဗျားအပြောအဆိုတတ်လို့ကတော့ ချီးကျူးခံရသူမှာ နှလုံးပီတိ ဂွမ်းဆီထိ ဆိုသလိုပဲ။ လူတစ်ယောက်ကို ချီးမွမ်းတယ်ဆိုတာ သူ့ပိုင်ဆိုင်မှု၊ ရုပ်ပိုင်းဆိုင်ရာ၊ ကိုယ်ရည်ကိုယ်သွေး၊ အပြုအမူစတာတွေကို ချီးမွမ်းကြရတာမဟုတ်လား။ အဲဒီထဲမှာမှ ကိုယ်ရည်ကိုယ်သွေးနဲ့ အပြုအမူလေးတွေကို ချီးမွမ်းတာက အခြားဟာတွေထက်ပိုပြီး ထိရောက်အကျိုးရှိပါတယ်။ ချီးမွမ်းစကားပြောတဲ့အခါလည်း တော်တဲ့အကြောင်း၊ လေးစားတဲ့အကြောင်း တုံးတိတိပြောတာထက် အကျိုးအကြောင်းလေးနဲ့ ပြောသင့်တယ်ဗျ။ ဥပမာဗျာ ခင်ဗျားသူငယ်ချင်းက ပြိုင်ကားတစ်စီးဝယ်ပြီး ခင်ဗျားကို လာပြတယ်ဆိုပါစို့။ ခင်ဗျား ဘယ်လိုပြောမလဲ။ “တယ်လှပါလားကွ။ ဘယ်လောက်ပေးရလဲ” ဆိုရင် သိပ်မဟန်သေးဘူး။ ပြောသင့်တာက “ဟာ … ဟေ့ကောင် ကျော်ကြီး။ မင့်ကားအသစ်လား။ ကားကတယ်ကောင်းပါလားကွ။ ငါလည်းလိုချင်လိုက်တာ။ မင်းစတိုင်နဲ့တော့ အတိပဲဟေ့။ သိပ်လိုက်တာပဲ” ဆိုတာမျိုးပေါ့။ ကိုယ့်ကို မကောင်းကြံတဲ့လူကို အပြစ်မမြင်တတ်တဲ့ သူငယ်ချင်းကိုရော ခင်ဗျား ဘယ်လိုချီးမွမ်းမလဲ။ “နင်က တော်တော်နားလည်မှုရှိပြီး အကောင်းမြင်ပေးတတ်တာပဲ စန္ဒီရယ်။ နင့်နားမှာ နေခွင့်ရတာ ငါတော့ ဘုရားမပေတာပဲ” လို့ပြောရလိမ့်မယ်။

နောက်တစ်ခုက သတိထားပြီး ချီးမွမ်းစကားပြောရမယ်။ ဆိုပါတော့ - ဆံပင်ပုံအသစ်ညှပ်လာတဲ့ လူလတ်ပိုင်း သူငယ်ချင်းတစ်ယောက်ကို ဆံပင်နဲ့ ပတ်သတ်ပြီး ပြောတော့မယ်ဆိုရင် -
ရှယ်လီ - “ဆံပင်လေးလှလိုက်တာ။ မျက်နှာနဲ့ ပါးရိုးလေးတွေတောင် ပေါ်လာတယ်”
အမ်နီ - “ဟုတ်လား။ သိပ်များ ရင့်သွားမလားဟင်”
ဆိုတဲ့မေးခွန်းမျုိးလိုက်လာလိမ့်မယ်။ ပြောသင့်တာက
ရှယ်လီ - “ဆံပင်လေးလှလိုက်တာ။ မျက်နှာနဲ့ ပါးလေးတွေတောင် ပေါ်လာတယ်။ ဘယ်ဆိုင်မှာ ညှပ်တာလဲ။ တို့လည်း ညှပ်ချင်လို့”
အမ်နီ - “ဟုတ်လား။ ကျေးဇူးပါ။ တို့လမ်းထိပ်က ဆိုင်အသစ်ကလေ။ လိုက်ပို့ပေးရမလား”

ဆိုတာမျိုးဖြစ်လာလိမ့်မယ်။ ဒါကြောင့် ချီးမွမ်းစကားကိုလည်း ရွေးချယ်ပြောတတ်ဖို့လိုတယ်လေ။

နောက်ဆုံးနဲ့ အရေးအပါဆုံးကတော့ အသံအနေအထားပဲ။ ခင်ဗျားက ဒီစာဖတ်ပြီး ဝတ္တရားကြီးတစ်ခုလို စိတ်မပါ လက်မပါ ချီးမွမ်းစကားတွေ လျှောက်ပြောနေတာထက်စာရင် မပြောတာမှ ကောင်းလိမ့်မယ်။ ပြောမယ့်ပြောတော့ တက်တက်ကြွကြွနဲ့ စိတ်ပါလက်ပါ ပြောချလိုက်စမ်းပါဗျာ။ ခင်ဗျားမှာ သူ့ထက်သာတဲ့ ပိုင်ဆိုင်မှု၊ ကိုယ်ရည်ကိုယ်သွေးတွေ ရှိနေသည့်တိုင်အောင် သူ့အတွက် မြင်သာတဲ့ဟာလေး တစ်ကွက်လောက်တွေ့ရင် အားကျသလို၊ ခင်ဗျားမှာလည်း ပိုင်ဆိုင်ချင်နေသလို လေသံမျိုးနဲ့ ပြောတတ်ရမယ်။ တချို့ကတော့ ကိုယ်က ချီးမွမ်းပေးကာမှ ငါ့အကြောင်းငါသိတယ်၊ ငါတော်တာငါသိတယ် ဆိုပြီး ခင်ဗျားပြောတာထက်ပိုပြီး ကြွားလုံးတွေ ပြောလိမ့်ဦးမယ်။ ဒါမျိုးကျတော့လည်း သည်းခံပေါ့ဆရာရယ်။ ခင်ဗျားလက်ငါးချောင်းတောင် မညီဘူးပေါ့လား။ သေချာတာကတော့ ဘယ်လက်ချောင်းဖြစ်ဖြစ် လှတယ်ပြောရင် ခေါင်းငြိမ့်ပြမှာချည်းပဲဗျ။

ကဲ - ရှေ့တပတ်ကစပြီး အကျိုးရှိစွာ ချီးမွမ်းတတ်ပါစေဗျာ။

Self-confidence ကို ရယူခြင်း

ကမ္ဘာကျော် Mary Chapin Carpenter ရဲ့ သီချင်းထဲက စာကြောင်းလေးတစ်ကြောင်းကို သတိရမိတယ်။ “Sometimes you’re the windshield; sometimes you’re the bug” ဆိုတာလေးပါ။ တခါတရံမှာ ခံနိုင်ရည်အားကောင်းတဲ့ လေကာမှန်တစ်ချပ်လို ကြံ့ကြံ့ခံနိုင်ခဲ့သလို တခါတရံတော့လည်း ပျက်စီးလွယ်တဲ့ ပိုးကောင်လေးပါပဲတဲ့။ တကယ်တော့ အဲ့ဒီတခါတရံဆိုတာဟာ ကိုယ့်ကိုကိုယ် ဘယ်လောက် ယုံကြည်မှုရှိနေသလဲ ဆိုတာပေါ်မှာ သိပ်မူတည်ပါတယ်။

တခါတလေ ကိုယ့်ကိုကိုယ်ယုံကြည်မှု (Self-confidence) ဟာ ချက်ချင်း ရုတ်တရက်ဆိုသလို ပျောက်ကွယ်သွားတတ်ပြီး ကျွန်တော်တို့ဟာ လေကာမှန်အစား ပိုးကောင်လေးဘဝတွေ ပိုများနေခဲ့ကြဘူးပါတယ်။ အမျိုးမျိုးအဖုံဖုံဖြစ်လာနိုင်တဲ့ နိဂုံးတွေအတွက် ကံတရားပါပဲလေ ဆိုပြီး ကျွန်တော်တို့တွေ ငေးငိုင်နေခဲ့ကြဘူးပါတယ်။ အဲဒီအခြေအနေတွေဟာ ကျွန်တော်တို့ကို ပိုဆိုးစေတဲ့ အနေအထားတစ်ရပ်ကို တွန်းပို့နိုင်ပါတယ်။ တကယ်တော့ ကျွန်တော်တို့ အဲဒီအချိန်မှာ တကယ်လိုအပ်နေတာက ပိုးကောင်လေးဘဝဟာ ခဏတာပါပဲ လို့ နားလည်ကြဖို့ပါပဲ။ ငါတစ်ယောက်တည်းပါလား၊ ငါဖြစ်နိုင်ပါ့မလား ဆိုတာမျိုးတွေအစား ကိုယ့်ကိုကိုယ်ယုံကြည်လာအောင် အချိန်တိုအတွင်း ဘယ်လိုပြန်တည်ဆောက်မလဲ ဆိုတာကို စဉ်းစားကြရမှာပါ။ The Straits Times သတင်းစာရဲ့ ပြင်ပဆောင်းပါးရှင် Sara Healy ကတော့ ယုံကြည်မှုရှိနေစေဖို့ လုပ်ဆောင်သင့်တဲ့ အချက်လေးချက် တင်ပြထားပါတယ်။

၁) ကိုယ့်ကိုကိုယ် ယုံကြည်မှုအပြည့်ရခဲ့တဲ့ အချိန်လေးတွေကို ပြန်အောက်မေ့ပါ

ပြီးခဲ့တဲ့ အတိတ်တစ်ခုမှာ သင်ဟာ ယုံကြည်မှုအပြည့်နဲ့ လုပ်ဆောင်ခဲ့လို့ အောင်မြင်ခဲ့တဲ့ အတွေ့အကြုံနဲ့ မှတ်တမ်းကောင်းတွေ ရှိနိုင်ပါတယ်။ အဲဒါတွေကို စာရွက်တစ်ရွက်မှာ ခပ်ရဲရဲ ရေးချကြည့်စမ်းပါ။ အခက်အခဲက ဘယ်လို၊ ဘယ်သူတွေပါဝင်တယ်၊ ဘယ်လိုဖြေရှင်းပေးလိုက်နိုင်တာ … စသည်ဖြင့်ပေါ့။ တတ်နိုင်သလောက် တိတိကျကျရေးချပြီး တစ်ခေါက်လောက် ပြန်ဖတ်ကြည့်ပါ။ နှုတ်ခမ်းတွေက ခပ်ပြုံးပြုံးဖြစ်လာပြီး ယုံကြည်မှုတွေ ပြန်လည်ဝင်ရောက်လာမှာပါ။ အဲဒီအချိန်ဟာ သင်အလုပ်စဖို့ အကောင်းဆုံးအချိန်ပါပဲ။

၂) အောင်မြင်မှု မှတ်တိုင် Album လေးလုပ်ထားကြည့်ပါ

တခါတလေမှာ သိပ်အသုံးမလိုတဲ့ လိပ်စာကဒ်လေးတွေ သွားရင်းလာရင်း ရတတ်ပါတယ်။ အဲဒါလေးတွေရဲ့ နောက်ကျောဖက်မှာ သင့်ရဲ့ အောင်မြင်မှုလေးတွေ တစ်ခုချင်း ရေးပြီး ကဒ်လေးတွေကို Album လေးလို လုပ်ထားပါ။ အောင်မြင်မှုဆိုတာ မရှင်းတာကြာတဲ့ အဝတ်ဘီရိုရှင်းဖြစ်သွားတာ၊ ဖမ်းရခက်တဲ့ ပုစဉ်းလေးတစ်ကောင် ဖမ်းမိဘူးတာ၊ ကုမ္ပဏီမှာ ဝန်ထမ်းကောင်းဆုရတာကနေ သမ္မတအဖြစ် အရွေးခံရတာအထိ ထည့်ရေးလို့ရပါတယ်။ သင် စိတ်ဓါတ်ကျနေတဲ့အခါ၊ ယုံကြည်မှု အားနည်းနေတဲ့အခါ အဲဒီ Album လေးပြန်ကြည့်ပြီး အတိတ်က အောင်မြင်ခဲ့တဲ့ အကြောင်းအရာလေးတွေ ပြန်တွေးကြည့်ပါ။ ကိုယ့်ကိုကိုယ် ခေသူမဟုတ်ဘူး ဆိုတဲ့အမြင်လေး ပြန်ကိုရလာစေရပါမယ်။

၃) ယုံကြည်မှုကို ထပ်မံခိုင်မာပါစေ

ဒီနည်းကတော့ လူတိုင်းနီးပါး ကျင့်သုံးလေ့ရှိပါတယ်။ စိတ်ဓါတ်တက်ကြွစေမယ့်၊ ယုံကြည်မှုကို မြင့်မားစေတဲ့ စကားလေးတွေ၊ ဆုံးမစာလေးတွေကို အမြဲတမ်း မြင်နေတတ်တဲ့ နေရာတစ်ခုမှာ ကပ်ထားပါ။ ပညာရှိတွေရဲ့ အဆိုအမိန့်၊ ဒါမှမဟုတ် ဖခင်ရဲ့ ဆုံးမစာတစ်ကြောင်းပဲဖြစ်ဖြစ် အသေအချာလေး ရေးပြီး ကပ်ထားပါ။ ရေးတဲ့အခါမှာလည်း “ငါ ဘယ်တော့မှ မရှုံးနိမ့်စေရဘူး” ဆိုတာမျိုးထက် “ငါဟာ အမြဲအောင်မြင်နေရမယ်” ဆိုသလို အနှုတ်သဘောမဆောင်အောင် ရေးထားသင့်ပါတယ်။ ရေးပြီးကပ်ထားတာလေးတွေတွေ့မိရင် ခပ်တိုးတိုးစိတ်ထဲက ဖတ်တာထက် ခပ်ကျယ်ကျယ်လေး တစ်ခေါက်လောက် ရွတ်ကြည့်စမ်းပါ။ အားအင်တွေ စီးဝင်လာပါလိမ့်မယ်။

၎) သူငယ်ချင်းများကို အကူအညီတောင်းပါ

သင် ယုံကြည်မှုပျောက်ဆုံးနေတုန်းမှာ သူငယ်ချင်းတွေကို ဖုံးဆက်ခိုင်းတာ၊ စိတ်ဓါတ်တက်ကြွစေမယ့် SMS တွေပို့စေတာ၊ Voice Mail ပို့စေတာ၊ အနည်းဆုံး Answering Machine မှာ အသံသွင်းထားခဲ့တာမျိုးတွေ လုပ်စေသင့်ပါတယ်။ သူငယ်ချင်းကောင်းတွေက သင့်ကို ဘယ်တုန်းက သင်ဘယ်လိုအောင်မြင်ခဲ့တာ၊ သူတို့လည်း ဘယ်လိုဖြတ်ကျော်ခဲ့တာ စတာတွေကို တရင်းတနှီးပြောကြပြီဆိုလို့ကတော့ သင့်ယုံကြည်မှုဟာ အမြင့်ဆုံးကို ရောက်လာမှာဖြစ်ပါတယ်။

ဒီနည်းလမ်းလေးခုဟာ ရိုးရှင်းလွယ်ကူပြီး ရုတ်တရက်ပျောက်ဆုံးသွားတဲ့ ယုံကြည်မှုတွေကို အမြန်ဆုံး ပြန်လည်ရရှိစေမှာပါ။ တချိန်တည်းမှာပဲ သင်ဟာ ပိုးကောင်လေးမဟုတ်ဘဲ လေကာမှန်လို ကြံ့ခိုင်သူဖြစ်တယ် ဆိုတာကိုလည်း သတိရစေမှာဖြစ်ပါတယ်။

Ref: The Straits Times

Blogger တို့ရဲ့ ၂၀၀၇

မကြာခင်ကပဲ ဖြတ်ကျော်ကုန်ဆုံးသွားခဲ့တဲ့ ၂၀၀၇ ကို ကျွန်တော်ကတော့ Myanmar Blog Year လို့ မြင်မိပါတယ်။ ရှေးဦးမဆွကတည်းက အင်္ဂလိပ်၊ မြန်မာ ၂ ဘာသာနဲ့ Blog ရေးနေကြသူတွေရှိနေကြပေမယ့် ဒီ ၂၀၀၇ မှာ ထူးထူးခြားခြားကိုပဲ များပြားပေါ်ထွက်လာတာကို သတိထားမိပါတယ်။ Weekly Eleven ဂျာနယ်ရဲ့ ခန့်မှန်းချက်အရ ဗမာ Blog ၂၀၀၀ ကျော်ရှိတယ်လို့ ဆိုပါတယ်။ Blog ၂၀၀၀ ကျော်ဆိုပေမယ့် Blogger ကတော့ ၂၀၀၀ ကျော် မဖြစ်နိုင်ဘဲ အချို့က Blog လေးငါးခု ပိုင်ဆိုင်ကြပါတယ်။

Blog တွေဟာ လွယ်ကူစွာဖန်တီးနိုင်ခြင်း၊ ကုန်ကျစရိတ်မရှိခြင်း၊ စိတ်တိုင်းကျ လွတ်လပ်စွာ ရေးသားနိုင်ခြင်း၊ နည်းပညာအခြေခံများစွာ မလိုအပ်ခြင်းတို့ကြောင့် အရေးများလာကြတာဖြစ်ပြီး ဗမာလိုရေးလို့ ရလာတာကလည်း အဓိက အကြောင်းအရင်းပဲဖြစ်ပါတယ်။ အခုလက်ရှိ Update ဖြစ်နေတဲ့ Blog အများစုဟာ ၂၀၀၇ နှစ်ဆန်းမှာ စတင်ခဲ့ကြတာကို တွေ့ရပါတယ်။ ဘယ်သူဟာ ပထမဆုံး ဗမာ Blogger ဖြစ်တယ်ဆိုတာ မသိပေမယ့် အခြားပတ်ဝန်းကျင်တွေလိုပဲ အရင်ရေးသူက Senior သဘောမျိုးဖြစ်ပြီး နောက်ရေးလာတဲ့ မျက်နှာသစ် Blogger တွေကို နည်းပညာကအစ ကူညီကြလို့လည်း အခုလို မြန်မြန်ဆန်ဆန် ပြန့်ပွားလာတာ ဖြစ်နိုင်ပါတယ်။ Comment လို၊ Cbox လိုမျိုး အချင်းချင်း ဆက်သွယ်မှာကြားနိုင်တဲ့ Features လေးတွေကလည်း Blog တွေရဲ့ သဘာဝကို စိုပြည်စေပါတယ်။ အချို့ Blog တွေကတော့ သုံးလေးလရေးကြည့်ပြီး အချိန်မပေးနိုင်တော့ဘဲ နားသွားကြတာတွေရှိသလို အချို့ကလည်း အခုချိ်န်မှာ Blogger ရယ်လို့ ပြောလိုက်ရင် မျက်လုံးထဲ သူ့ကိုပဲ မြင်လောက်အောင် လူသိများ အောင်မြင်နေပြီဖြစ်ပါတယ်။ တစုံတရာသော ငွေကြေးမျှော်လင့်ချက်မရှိဘဲ ကျွန်တော်တို့ရဲ့ ခံစားချက်၊ အတွေ့အကြုံနဲ့ သတင်းတွေ ဖလှယ်နေတဲ့ ဒီ Blog တွေဟာ တကယ်ပဲ အပြစ်ကင်းလွန်းလှပါတယ်။

အခြား Online Community တွေဖြစ်တဲ့ Chat နဲ့ Forum တွေလိုပဲ ကျွန်တော်တို့ Blogger တွေဟာလည်း Online မှာသာမက အပြင်မှာ စုံတွေ့ရင်းနှီးခဲ့ကြပါတယ်။ Blog Post တွေကို စုစည်းပုံနှိပ်ထုတ်ဝေမယ့် စာအုပ်ကလေးတစ်အုပ် လုပ်ကြရင်ကောင်းမယ်ဆိုတဲ့ Idea နဲ့ အတူ ဗမာ Blogger တွေဟာ ရန်ကုန်မြို့မှာ ၂၀၀၇ ဧပရယ်လ ၁၈ ရက်မှာ စတင်စုံတွေ့ကြပါတယ်။ မန္တလေးနဲ့ ပြည်ပနိုင်ငံတွေမှာလည်း ရှိကောင်းရှိနိုင်ပေမယ့် အဲဒီအချိန်တုန်းကတော့ မကြားခဲ့မိသေးပါဘူး။ အဲဒီစာအုပ်ကိစ္စက အစပြုပြီး Blogger တွေဟာ စာရေးရုံသာမက၊ လူမှုရေးနဲ့ ဘာသာရေးတွေကို လက်တွဲလုပ်ဆောင်လာကြပါတယ်။ စက်တင်ဘာလ ၁ ရက်နေ့မှာတော့ MBS လို့ခေါ်တဲ့ မြန်မာ Blogger အသင်းကြီးကိုပွဲထုတ်ပြီး ခမ်းနားတဲ့ Seminar တစ်ခုကို ရန်ကုန်မြို့ MICT Park (info-tech) မှာ World Blog Day အထိမ်းအမှတ်နဲ့ ကျင်းပနိုင်ခဲ့ပြီး အောင်မြင်မှုတွေ အထူးပဲ ရရှိခဲ့ပါတယ်။ အောင်မြင်မှုဆိုတာ ငွေကြေးအမြတ်အစွန်းမဟုတ်ဘဲ လူထုအကြား Blog တွေပြန့်နှံ့လာမှု၊ Blogger အချင်းချင်း ရိုင်းပင်းကူညီတတ်လာမှု စတာတွေပဲဖြစ်ပါတယ်။ အဲဒီ seminar မတိုင်ခင်က ရှိတဲ့ Blog အရေအတွက်နဲ့ seminar အပြီးအရေအတွက်ဟာ နီးနီးစပ်စပ်တောင် တူညီနေနိုင်ပါတယ်။ ဒီလူတွေအားလုံးပါဝင်တဲ့ MBS ဆိုတဲ့အဖွဲ့ရယ်လို့ ဖြစ်လာအောင်လည်း ကြိုးပမ်းနေကြပြီဖြစ်ပါတယ်။ ရုပ်မြင်သံကြား၊ ပြည်တွင်းပြည်ပ ရေဒီယိုတွေနဲ့ စာနယ်ဇင်းမီဒီယာ အမျိုးမျိုးကလည်း Blog တွေအကြောင်း အသားပေးဖေါ်ပြလာတာ၊ အင်တာဗျူး လုပ်လာတာမျိုးတွေ ရှိလာပါတယ်။ နောက်ထပ် Blog တွေကို လူသိစေတဲ့ အချက်ကတော့ စက်တင်ဘာလမှာပဲ ဖြစ်ပွားခဲ့တဲ့ သံဃာများဦးဆောင်သော ရွှေဝါရောင်တော်လှန်ရေးသတင်းတွေဟာ Blog တွေကနေ တဆင့်ဖြတ်သန်း စီးဆင်းသွားကြလို့ပဲဖြစ်ပါတယ်။

တကယ်တော့ Blog တွေဟာ ရနံ့စုံတဲ့ ပန်းခင်းတစ်ခုနဲ့တူပါတယ်။ အားလုံးကို စာဖတ်သူတွေ ကြိုက်ချင်မှတော့ ကြိုက်ပါလိမ့်မယ်။ ဒါပေမယ့် သူ့မှာလည်း သူ့ကြိုးစားမှုနဲ့ ကိုယ်ပိုင်အသွေးအရောင် ရှိပါတယ်။ သူ့စာဖတ်ချင်တဲ့လူက သူ့ Blog ကိုသွားရပါမယ်။ မကြိုက်ရင် မသွားရုံသာမက ဝေဖန်လို့လည်း ရပါတယ်။ နိုင်ငံရေးစကားနဲ့ဆို ဒီမိုကရေစီ ဆန်ပါတယ်။ လွတ်လပ်စွာ ရေးသားပါ။ ဝေဖန်ပါ။ ဒါကြောင့်လည်း Blog တွေကို လူတွေ တစိုက်မတ်မတ် ဖတ်လာ၊ ရေးလာကြတာပါ။ ကျွန်တော်ကတော့ ၂၀၀၇ မှာ လှပခဲ့တဲ့ Blog ပန်းခင်းကြီးဟာ နောက်နောင်နှစ်များမှာလည်း ဒါထက်မလျော့တဲ့ စည်းလုံးမှုတွေနဲ့ လှပနေဦးမယ်လို့ ယုံကြည်မျှော်လင့်ပါတယ်ဗျာ။

ကျားမာန်စွယ်

ရယ်မောနေတဲ့အသံတွေ၊ အချင်းချင်းတီးတိုး စကားပြောသံတွေအားလုံး ကျွန်တော့်ကြောင့် ပျောက်ကွယ်သွားပြီး ကြောက်လန့်အံ့သြသံတွေနဲ့အတူ ကင်မရာမီးတွေ တဖြက်ဖြက်လင်းလာတယ်။ ကျွန်တော့်ကြောင့်လို့တော့ သူတို့ သိပုံမပေါ်ပါဘူး။ သူတို့ ကြောက်သွားတာက ၆ မီတာအကွာက ကျုံးကြီးခြားထားတဲ့ ဘင်္ဂလားကျားဖြူကြီးသုံးကောင်က လူတွေဘက်ကို ခုန်ကူးမယ် တကဲကဲလုပ်နေလို့ပါ။ တစ်ကောင်က နောက်ခြေပေါ်အားပြုပြီး မတ်တပ်ရပ်ဖို့ ကြိုးစားနေတယ်။ တစ်ကောင်က ကူးလာလို့ရမယ့် လမ်းကြောင်းကို အသည်းအသန်ရှာနေတယ်။ တစ်ကောင်က လူတွေဘက်ကို မျက်ခြေပြတ်မခံ စောင့်ကြည့်နေတယ်။ လူတွေဘက်လို့ သူများတွေထင်ပေမယ့် အဲဒါကျွန်တော့်ကို ကြည့်နေတာဆိုတာ ကျွန်တော်ပဲသိတယ်။ ပါးစပ်တွေကလည်း တိရစ္ဆာန်ရုံတစ်ခုလုံး ကြားရအောင်ကို ဟိန်းဟောက်နေတယ်။ ခြင်္သေ့တွေကလည်း အားကျမခံဟိန်းဟောက်နေတာများ ကမ္ဘာပျက်နေသလား မှတ်ရတယ်။ တချက် တချက် ဆင်အော်သံတွေတောင် ကြားရတယ်။ ချက်ချင်းဆိုသလိုပဲ တာဝန်ရှိသူတွေရောက်လာပြီး ကျားတွေကို အစာကျွေးပြီး ထိန်းကြည့်တယ်။ သွေးတွေစိုနေတဲ့ အမဲသားတွေကို လှည့်တောင်မကြည့်ဘဲ လူတွေဘက်ကိုပဲ ကူးဖို့ကြိုးစားနေတုန်းပဲ။ တာဝန်ရှိသူတွေက မေ့ဆေးသေနတ်တွေတောင် ပြင်နေပြီဖြစ်လို့ ကျွန်တော် ဆက်မကြည့်တော့ဘဲ ခပ်လှမ်းလှမ်းကို ထွက်လာတော့မှ ကျားတွေလည်း မကျေမနပ်နဲ့ အဟင်းဟင်းအော်ပြီး နည်းနည်းငြိမ်သွားတယ်။ ကျွန်တော်လည်း ခပ်လှမ်းလှမ်းက အရိပ်ကောင်းတဲ့ သစ်ပင်ကြီးအောက်မှာ ထိုင်ပြီး ကျွန်တော့်ငယ်ဘဝကို ပြန်တွေးနေမိတယ်။ ကျွန်တော်နဲ့ ဒီကျားတွေ ဘယ်လို ပတ်သတ်နေခဲ့တယ်ဆိုတာကိုပေါ့။ အင်္ကျီရင်ဘတ်က ကြယ်သီးနှစ်လုံးဖြုတ်လိုက်ပြီး လေပူတွေကို မှုတ်ထည့်လိုက်တယ်။ ကျွန်တော့်လည်ပင်းမှာ ကျားသားရေကို ကျစ်ထားတဲ့ကြိုးနဲ့ ဆွဲထားတဲ့ လက်မရဲ့ လက်သည်းခွံလောက် ကျားမာန်စွယ်ကတော့ ချွေးတွေနဲ့ ရွဲစိုလို့နေပါတယ်။

ကျွန်တော့်ဖေဖေက ရှေးဟောင်းပစ္စည်းနဲ့ ထူးဆန်းတဲ့ပစ္စည်းတွေကို ဈေးမရှောင်တမ်း ပေးဝယ်တဲ့ ဝါသနာရှိပါတယ်။ သူ့မှာ ဝါသနာတူ သူငယ်ချင်းသုံးယောက်လည်း ရှိသေးတယ်။ သူတို့လေးယောက်ပေါင်းပြီး ကျွန်တော်တို့အိမ်ရဲ့ မြေတိုက်ခန်းကို ပြခန်းကြီးသဖွယ် လုပ်ထားပြီး ရှေးဟောင်းရုပ်တုတွေ၊ စာအုပ်တွေ၊ ပေစာတွေသာမက တိရစ္ဆာန်မျိုးစုံရဲ့ သားရေ၊ ချို၊ အစွယ်တွေ စုံနေအောင် ရှိပါတယ်။ လိုရင်းပြောရရင်တော့ တစ်နေ့မှာ သူတို့ဟာ ကချင်ပြည်ကနေ ကျားမာန်စွယ်တစ်ခု ရလာပါတယ်။ ရိုးရိုးကျားအစွယ်တွေထက် ရှားပါးပြီး အစွမ်းထက်တဲ့ မာန်စွယ်ကို ကိုးတောင်ပြည့်တဲ့ ကျားထီးကြီးတွေမှာပဲ ရှိတတ်ပြီး ညာဘက်ခြမ်းမှာ ရှိပါတယ်။ တစ်ထောင်မှာ တစ်ကောင်သာရှိတဲ့ မာန်စွယ်ပါတဲ့ကျားကို အခြားကျန်တဲ့ကျားတွေက အလွန်ပဲမနာလိုဖြစ်ကြပြီး အုပ်ဖွဲ့တိုက်ခိုက်လေ့ရှိပါတယ်။ ဒါပေမယ့် မာန်စွယ်နဲ့ ကျားပဲအနိုင်ရလေ့ရှိပါတယ်။ အဲလိုထူးခြားတဲ့ မာန်စွယ်ကြီးပါတဲ့ ကျားခေါင်းကြီးတစ်ခုကို ဖေဖေ့တို့က ကြိုက်ဈေးပေးဝယ်လာခဲ့ပါတယ်။ နောက်ထပ် ထူးခြားတဲ့ အရည်အချင်းတွေကိုလည်း ရှေးစာတွေမှာဖတ်ပြီး လူနဲ့ ဘယ်လိုဆက်စပ်မယ်ဆိုတာ ရှာဖွေကြပါတယ်။ သူတို့ စာအုပ်ထဲမှာ တွေ့တာတွေ၊ ကချင်ပြည်က ဒူးဝါးတွေပြောတဲ့စကားတွေအရဆို ဒီအစွယ်ဟာ လူစစ်စစ်ကို လူကျားလို့ ခေါ်တဲ့ သမန်းကျားအဖြစ်တောင် ပုံပြောင်းနိုင်တယ်ဆိုပါတယ်။ ဒါပေမယ့် ငယ်ရွယ်တဲ့ ကလေးတွေ၊ တနည်းအားဖြင့် ကျားနဲ့အသက်တူတူလောက် ရှိတဲ့လူကိုပဲ လုပ်နိုင်တယ်ဆိုပါတယ်။ အဲဒီမှာပဲ အသက် ၄ နှစ်လောက်ပဲရှိသေးတဲ့ ကျွန်တော်ဟာ အစမ်းသပ်ခံဖြစ်လာပါတယ်။ ကျားမာန်စွယ်ကိုသွေးပြီး ကျားသည်းခြေနဲ့ ရောသောက်ခဲ့ရသလို ညတိုင်းလည်း ကျားမာန်စွယ်သွေးထားတာကို လိမ်းရပါတယ်။ ဘယ်လောက်တောင် သွေးခဲ့ကြသလဲဆိုရင် ဆင်စွယ်ထိပ်ဖူးလို မာကျောလှတဲ့ ငါးလက်မလောက် ကျားမာန်စွယ်ဟာ ကျွန်တော်အခုဆွဲထားတဲ့ လက်သည်းခွံလောက်ပဲ ကျန်ပါတော့တယ်။ အဲဒီလို နေ့စဉ်နီးပါး လိမ်းလိုက်၊ သောက်လိုက်ကို ၁၆ နှစ်လောက်လုပ်လာတဲ့အကျိုးကြောင့် ကျွန်တော် သမန်းကျားတော့ မဖြစ်ခဲ့ပါဘူး။ ဒါပေမယ့် မျက်ဆံတွေဟာ ကျားလိုပဲကျဉ်းလာပြီး မျက်လုံးတွေနီလာပါတယ်။ အသားအရေတွေ ကြမ်းသလိုလိုဖြစ်လာပြီး ကိုယ်နံ့ကလည်း နံတာမဟုတ်ပေမယ့် ပုံမှန်တော့ မဟုတ်တော့ပါဘူး။ နောက် လက်သည်းတွေဟာ သာမန်လက်သည်းညှပ်နဲ့ ညှပ်လို့မရဘဲ ကွမ်းညှပ်လိုဟာမျိုးနဲ့ ညှပ်ရပါတယ်။ အသားစိမ်းကြိုက်တာမျိုးတော့မရှိဘဲ အသီးအရွက်နဲ့ ငါးတော့ မစားပါဘူး။ အသံတွေဟာလည်း ခပ်အောအောဖြစ်နေပါတယ်။ ထူးခြားတာက ကျွန်တော်အားသိပ်ကောင်းတာနဲ့ ဒေါသထွက်လွယ်တာပါပဲ။ ခပ်ပုပုတုတ်တုတ် ကိုယ်ခန္ဓာနဲ့ ကျွန်တော်ရိုက်လိုက်ရင် တော်ရုံလူ ပစ်လဲကျသွားတတ်ပါတယ်။ စိတ်ဆိုးရင် ထိုးတာကြိတ်တာထက် မျက်နှာကို လက်သီးနဲ့ပုတ်ရတာကို ပိုသဘောကျပါတယ်။ ကျားတွေကို ရုပ်ရှင်တွေမှာမြင်ရင် သနားစရာအကောင်လေးတွေလို ခံစားရပြီး ငါလုပ်ရင်သေဦးမယ်ဆိုတာမျုိုးတွေးမိလို့ တစ်ယောက်တည်း ရယ်နေဖြစ်သေးတယ်။ ကျွန်တော့်စရိုက်တွေကို လေ့လာနေတဲ့ ဖေဖေနဲ့ သူငယ်ချင်းတွေက အနားမှာ အမြဲရှိနေသလို ကျွန်တော့်အခန်းကိုလည်း ကင်မရာတွေ တပ်ထားပါတယ်။

ကျွန်တော့်အသက် ၂၀ ပြည့်တဲ့နေ့မှာတော့ ဖေဖေက ခပ်သေးသေးပဲကျန်တော့တဲ့ ကျားမာန်စွယ်ကို ကျားသားရေနဲ့ပဲကျစ်ပြီး လည်ပင်းမှာဆွဲပေးထားပါတယ်။ အဲဒါလေးဆွဲလိုက်မှပဲ ကျွန်တော့်စိတ်ထဲမှာ ဆုံးရှုံးထားတဲ့ တစုံတရာကို ပြန်ရလိုက်သလိုဖြစ်ပြီး ယုံကြည်မှုတွေ ရလာတယ်။ တချိန်ထဲမှာပဲ ရမ်းကားချင်သလိုလိုဖြစ်လာတယ်။ ဒါကြောင့် ကျွန်တော်ပြန်ချွတ်ထား ကြည့်သေးတယ်။ မရဘူး။ ဒါဝတ်ထားမှ နေသာသလိုဖြစ်ပြီး မရှိရင် ခေါင်းမရှိသလိုဖြစ်ဖြစ်နေလို့ ကျွန်တော်ကိုယ်တိုင်ပဲ လိုလိုချင်ချင် ဆွဲထားလိုက်တယ်။ ဒါပေမယ့် မရမ်းကားဖြစ်အောင်တော့ ထိမ်းသိမ်းနိုင်ပါတယ်။ တခါကတော့ အစအနောက်သန်တဲ့လူတွေနဲ့ ရန်ဖြစ်လို့ မျက်နှာကို ပုတ်လိုက်တာ ဦးခေါင်းခွံအက်သွားတယ်။ လာကိုက်တဲ့ ခွေးတစ်ကောင်ကို ပြန်ကန်လိုက်တာ ခြေထောက်က ခွေးဗိုက်ထဲ နစ်ဝင်ပြီး ထုတ်ချင်းပေါက်ကြီး စိုက်နေဘူးတယ်။ ခွေးဆိုလို့ ပြောရဦးမယ်။ ကျားမာန်စွယ်ဆွဲထားကာမှ ခွေးတွေက မလန့်ဘဲ လာလာကိုက်ချင်နေကြတယ်။ ကိုက်တိုင်းလဲ ကိုက်တဲ့ကောင် သေတာများတယ်။ တိရစ္ဆာန်ရုံသွားလို့ကတော့ တခြံလုံး ငရဲပွက်သလို ဟိန်းကြ၊ အော်ကြနဲ့လေ။ ဘာကြောင့် ကျားမာန်စွယ်ကို မကြောက်ဘဲ လိုချင်ကြ၊ သတ်ချင်ကြသလဲဆိုတာ ကျွန်တော်မတွေးတတ်ဘူး။

၂ နှစ်လောက်နေတော့ ဖေဖေဆုံးသွားတယ်။ မဆုံးခင်မှာ ဒီကျားမာန်စွယ်နဲ့ ပတ်သတ်ပြီး သုတေသနလုပ်ဖို့ ကျွန်တော့်ကိုမှာခဲ့တယ်။ ကျွန်တော်လည်း ဘွဲ့ယူပြီးတာနဲ့ ဒီကိစ္စကို ဆက်တိုက်လေ့လာခဲ့တယ်။ အာဖရိက၊ ဘင်္ဂလားဒေ့ရ်ှသာမက အမေရိကန်က စာကြည့်တိုက်တွေဆီလည်း ရောက်ခဲ့တယ်။ သိလာတာတွေကတော့ အများကြီးပါ။ အများစုတူတာတွေထဲက တစ်ခုကတော့ ကျားမာန်စွယ်ကို ထိမ်းသိမ်းထားသူဟာ သူများသတ်လို့ သေကိုသေတယ်ဆိုတာပါပဲ။ တချို့က လူသတ်ခံရတယ်၊ တချို့က ကားတိုက်ခံရတယ်၊ တချို့ ပင့်ကူဖြစ်ဖြစ်ကိုက်ပြီး သေရတယ်။ စင်ကာပူကို ရောက်တဲ့အချိန်မှာ မိတ်ဆွေတစ်ယောက်က စာအုပ်တစ်အုပ် ပေးတယ်။ အဲဒီစာအုပ်က ကျားကျိန်စာဆိုတဲ့ စာအုပ်ပါ။ ခပ်ပါးပါးစာအုပ်လေးက ကျားတွေရဲ့ လျှို့ဝှက်ချက်တွေ အတော်များများဖေါ်ထုတ်ထားပါတယ်။ အဲဒီစာအုပ်မှာ ကျားမာန်စွယ်ကြောင့် သေဆုံးသူ ၂၀၀ ကျော်ရှိတယ်တဲ့။ ၂၀၀ ကိုဘယ်လောက်ကျော်နေပြီလဲ - ကျွန်တော်ရော ဒီလိုသေမလားဆိုတဲ့မေးခွန်းက သိပ်ကိုမေးလို့ကောင်းနေခဲ့ပါတယ်။ နောက်ဆုံးမှာ သူများသတ်လို့ မသေချင်တဲ့ ကျွန်တော်က ကျားမာန်စွယ်ကို စွန့်လွှတ်ဖို့ ဆုံးဖြတ်လိုက်ပါတယ်။ ကျားမာန်စွယ်ကို ကျားတွေကိုပဲ ပြန်ပေးမယ်ဆိုတဲ့ ရည်ရွယ်ချက်နဲ့ အခု စင်ကာပူတိရစ္ဆာန်ရုံကို လာခဲ့တာဖြစ်ပါတယ်။

ကျွန်တော်စဉ်းစားနေရာက သတိပြန်ဝင်လာတော့ ညနေ ၅ နာရီခွဲနေပါပြီ။ ၆ နာရီပိတ်တဲ့ တိရစ္ဆာန်ရုံဆိုတော့ ကျွန်တော်မြန်မြန်ပြန်ပေးမှ ဖြစ်တော့မယ်။ လူတွေကလည်း ကျားတွေနားမှာ တိုးဝှေ့နေကြည်တုန်းပါပဲ။ ခက်တာက တိရစ္ဆာန်တွေဆီကို သစ်ရွက်ကလေးနဲ့တောင် ပစ်ပေါက်ခွင့်မပေးတာကို ကျွန်တော်က ဘယ်လိုပစ်ပေးမလဲဆိုတာပါပဲ။ ကျွန်တော်ရဲတွေကို ရှင်းပြလည်း သူတို့နားလည်မှာ မဟုတ်ပါဘူး။ အဲဒီအချိန်မှာ ရုတ်တရက်မိုးတွေမှောင်ကျပြီး မိုးစရွာတယ်။ ကျားကို ဝိုင်းကြည့်နေကြတဲ့ လူတွေလည်း အမိုးအောက်ထဲ ပြေးဝင်သွားကြတယ်။ ကျားနားမှာ လူရှင်းပြီ။ အခွင့်အရေးကို အသုံးချဖို့ ကျွန်တော်လည်ပင်းက ကျားသားရေကြိုးကို ဆွဲဖြတ်ပြီး ကျားခြံနားကပ်လာလိုက်တယ်။ ကျားတွေကတော့ ခုနလိုပဲ ဟိန်းဟောက်နေကြပြန်ပြီလေ။ ကျားတွေနားကို ဒီအစွယ်လေးရောက်ဖို့က သိပ်တော့မလွယ်ပါဘူး။ ခပ်သေးသေးလေးဖြစ်လို့ ပေါ့နေသလို လေကလည်း တိုက်နေပါတယ်။ ကျွန်တော်နည်းနည်း စဉ်းစားပြီး အားကုန်ပစ်ရင် ရောက်လောက်ပါတယ်လို့တွေးပြီး လက်ကိုမြှောက်လိုက်ပါတယ်။ ဘယ်အချိန်ကတည်းက ကျားသံကြောင့်ရောက်နေလဲမသိတဲ့ ရဲတစ်ယောက်က လက်ကို သေနတ်နဲ့ရိုက်ချလိုက်လို့ ကျွန်တော့် လက်ထဲက ကျားမာန်စွယ်လည်း ကျားနဲ့ ကျွန်တော့်ကို ခြားထားတဲ့ ကျုံးအစပ်ကိုကျသွားတယ်။ ဒေါသဖြစ်သွားတဲ့ ကျွန်တော်လည်း ရဲကိုလှည့်ထိုးမယ်အလုပ် ရဲက သေနတ်နဲ့ဦးအောင်ပစ်လိုက်ပါတယ်။ ကျွန်တော့် ညာဘက်ပုခုံး ပူထွက်သွားပြီး ကျွန်တော်လည်း ကျုံးထဲကို လည်ကျသွားတယ်။ ကျွန်တော်ကျသွားတဲ့ နေရာဘေးမှာ ကျားမာန်စွယ်ကို လှမ်းတွေ့တယ်။ တချိန်တည်းမှာပဲ ဒေါသသိပ်ထွက်နေတဲ့ ကျားဖြူကြီးသုံးကောင်ကလည်း ကျုံးကြီးထဲကို ခုန်ဆင်းလာပါတော့တယ်။ ကျွန်တော် ကျားမာန်စွယ်ကို ကောက်ယူပြီး “ ရော့ မင်းတို့ပစ္စည်း။ ပြန်ယူထားတော့ ” လို့အော်ပြီး ပစ်ပေးလိုက်မယ်အလုပ်မှာ လူစကား နားမလည်တဲ့ ကျားတွေက ကျွန်တော့်ကို တစ်ကောင်ပြီး တစ်ကောင် ... တစ်ကောင်ပြီး တစ်ကောင် …

(တိရစ္ဆာန်ရုံသွားလည်ပြီး အတွေးနယ်ချဲ့ရေးထားတာပါ)

ကံဆိုတာ ဘာလဲ

ကံဆိုတာဘာလဲလို့ မေးမိတိုင်း သေချာတဲ့အဖြေတစ်ခု အခုချိန်ထိ မရသေးပါဘူး။ ရွှေပုစွန်ဆိုင်က ဦးပွင့်ကောင်းကတော့ ကံဆိုတာအလုပ်ပါတဲ့။ တချို့ကတော့ ကံကံ၏အကျိုးဆိုပြီး ဘာဖြစ်လာလာ လက်ခံနိုင်ကြပြန်တယ်။ တချို့ကတော့ ကံဆိုတာ မရှိဘူးတဲ့။ ဥာဏ်ကောင်းရင် ကံကောင်းပြီပဲတဲ့။ ကျွန်တော်ကတော့ အားလုံးကိုယ့်နည်းနဲ့ကိုယ် မှန်နေကြတယ်လို့ထင်တယ်။ အဲဒါကြောင့်လည်း သေချာတဲ့အဖြေမရသေးတာပါ။ ကျွန်တော်တစ်ယောက်တည်း တွေးမိတာကတော့ ကံဆိုတာ အားကိုးလို့ မရသလို မသက်ဆိုင်ပါဘူးဆိုပြီး ပစ်ထားလို့လည်း မရပြန်တဲ့ ကြိုမသိနိုင်တဲ့ အစီအစဉ်တစ်ခုပါပဲ။

ကံကောင်းလိုက်တာ၊ ကံဆိုးလိုက်တာဆိုတာမျိုး ကျွန်တော်တို့ မကြာခဏပြောဖြစ်ပါတယ်။ ဒါပေမယ့် ကံကြောင့်လား၊ အလုပ်ကြောင့်လားတော့ ခွဲခြားဖြစ်တာနည်းမယ် ထင်ပါတယ်။ ဆိုပါစို့ဗျာ။ တီဗွီကပြမယ့် ဘောလုံးပွဲကြည့်ချင်လို့ ထိုင်စောင့်နေတယ် ဆိုပါစို့။ ပွဲလည်းစရော မီးပျက်သွားရင် ကံမကောင်းတာလား။ ဒါမှမဟုတ် မိုးသိပ်ရွာလို့ ပွဲကိုရွှေ့လိုက်တယ်ဆိုရင်ရော ကံကြောင့်လား။ စာမေးပွဲ အောင်ခြင်း၊ မအောင်ခြင်းမှာရော ကံက ဘယ်လိုပါဝင်ပတ်သတ်နေပါသလဲ။ ဆင်းရဲတဲ့လူတစ်ယောက် ကြိုးစားပြီး ချမ်းသာလာတာဟာ ကံနဲ့အလုပ် မျှတလို့ဖြစ်နိုင်ပြီး ချမ်းသာတဲ့မိသားစုမှာ ကြီးပြင်းခွင့်ရခဲ့ ကလေးက အလုပ်နဲ့ဆိုင်ရဲ့လား။ ထီပေါက်တာက ထီထိုးဖို့ စိုက်ထုတ်တဲ့ ဝီရိယကြောင့်လား။ ကြုံသလို လက်ညှိုးထိုးလိုက်တဲ့ နံပတ်ကြောင့်လား။ ဒါတွေက အလုပ်နဲ့ကံ ဆက်စပ်နေတာကို ခွဲခြားပြီး မြင်သာစေမယ် ထင်ပါတယ်။

ကံကောင်းချင်ရင်တော့ ကိုးကွယ်ရာဘာသာတစ်ခုရှိတဲ့ လူတိုင်းကတော့ သက်ဆိုင်ရာဘုရားနဲ့ နတ်တွေကို တိုင်တည်ဆုတောင်းလေ့ရှိကြပါတယ်။ မမြင်နိုင်တဲ့ ကံတရားအတွက် မမြင်နိုင်တဲ့အင်အားတွေ ဆုတောင်းတာ သဘာဝအတော်ကျတဲ့ လုပ်ရပ်ပါပဲ။ ထီပေါက်ဖို့ ဆုတောင်းပြီး မပေါက်တာနဲ့ ဘာကိုတော့ဖြင့် ဆုတောင်းမပြည့်လို့ မကိုးကွယ်တော့ဘူးလို့ စွန့်လွှတ်လိုက်တဲ့ ဘာသာဝင်က အတော်ရှားပါတယ်။ ကိုးကွယ်မြဲ၊ ဆုတောင်းမြဲပါပဲ။ ဘာဖြစ်လို့လဲဆိုတော့ ကံကိုယုံသူဖြစ်လို့ ကံကောင်းဖို့ အချိန်မကျသေးလို့လို့ပဲ ယုံကြည်ထားကြမယ် ထင်ပါတယ်။ အချိန်ဘယ်တော့ကျသလဲဆိုတော့ တောင်းနေတဲ့ဆု ပြည့်တဲ့အခါပေါ့လေ။ တကယ်တော့ အဲဒီလို ဆုတောင်းပြည့်တဲ့အချိန်မှာ ဆုတောင်းသလို ဖြစ်လာအောင် ကြိုးစားလာခဲ့တဲ့ ဥာဏအားကလည်း အတော်ပါနေပါပြီ။ ဒီတော့ ကျွန်တော်ထင်တာက ကံဆိုတာ အနည်းနဲ့ အများတော့ မွမ်းမံပြင်ဆင်ပဲ့ကိုင်ခွင့် ရဟန်လည်းတူပါတယ်။

ကံဆိုတဲ့အပိုင်းကို လုံးဝပစ်ပယ်ထားပြီး ကိုယ်စွမ်း၊ ဥာဏ်စွမ်းရှိသလောက် ကြိုးစားကြတဲ့လူတွေလည်း ရှိပါတယ်။ အောင်မြင်ကြတဲ့ လူတွေအများကြီးရှိသလို လှေလှော်ရင်းတက်ကျိုးဆိုသလို လမ်းခုလတ်မှာပဲ ပန်းတိုင်မရောက်နိုင်ဘဲ ဖြစ်သွားသူတွေလည်း ရှိမှာပါ။ ခုနပြောသလို ထီထိုးဖို့ ထွက်လာခဲ့တဲ့ ဝီရိယက ကြိုးစားအားထုတ်မှုဖြစ်ပြီး ပေါက်မယ့်လက်မှတ် အဆင်သင့်ရှိနေတာကတော့ ကံပဲဖြစ်မှာပါ။ ဒါကြောင့် အထက်မှာ ကျွန်တော်က ကံဆိုတာ မမြင်ရတဲ့ အစီစဉ်တစ်ခုလည်း ဖြစ်မယ်လို့ တွေးမိတာပါ။ အားလုံးက သူ့အစီအစဉ်နဲ့ သူရှိနေပြီး ကျွန်တော်တို့က ကြိုမသိတာဖြစ်နိုင်ပါတယ်။ ဘယ်သူက စီစဉ်တယ်ဆိုတာကတော့ မတွေးတတ်တော့ပါဘူး။

တကယ်တော့ ကံဆိုတာဘာလဲလို့ တွေးမိတိုင်း အခုလိုပဲ အလုပ်ကြောင့်လိုလို၊ မမြင်ရတဲ့ အစီအစဉ်တွေရဲ့ အကွက်ချထားမှုကြောင့်လိုလိုနဲ့ တိကျတဲ့အဖြေ မရပြန်ပါဘူး။ ကမ္ဘာပေါ်မှာ ကံကောင်းချင်သူတွေချည်းပါပဲ။ ဒါပေမယ့် ကံဆိုတာဘာလဲ၊ ကံကောင်းအောင် ဘယ်လိုလုပ်မလဲဆိုရင် ဘုရားများများရှိခိုးပေါ့ ဆိုတာထက်ပိုတိကျတဲ့ အဖြေပေးနိုင်တဲ့လူ ခက်ရှားရှားပါ။ ကံဆိုတာဘာလဲ သိရင် ကံကောင်းအောင် ချဉ်းကပ်လို့ရမယ် ထင်ပါတယ်။ ကျွန်တော်လည်း ကံကောင်းချင်သူတွေထဲက တစ်ယောက်ဖြစ်လို့ ကံဆိုတာဘာလဲ ဆိုတာ ဝိုင်းအဖြေရှာပေးကြပါဦးဗျာ။

သေသည့်တိုင်အောင်

၁၉၄၅ ခုနှစ်၊ သြဂုတ်လ ၆ ရက်နေ့၊ ဒေသစံတော်ချိန် နံနက် ၈ နာရီ ၁၅ ၊ သူတို့ရဲ့ အဖြစ်ဆိုးကို ကြိုမသိနိုင်တဲ့ အချို့သော ဂျပန်နိုင်ငံသားတွေ အိပ်မောကျနေတုန်းမှာပဲ အမေရိကန် လေတပ်မတော် ဗိုလ်မှူးကြီး Paul Tibbets ဟာ သူရဲ့ Boeing B29 ဗုံးကြဲလေယာဉ် Enola Gay ပေါ်ကနေ ကမ္ဘာ့ပထမဆုံးသော Atomic Bomb လို့ ခေါ်တဲ့ အနုမြူဗုံးကို မြေပြင်ထက် အမြင့်ကီလိုမီတာ ၉.၇ ( ၆ မိုင်) အကွာကနေ ဟီယိုရှီးမားမြို့ပေါ်ကို ကြဲချလိုက်ပါတယ်။ “ ချာတိတ် ” လို့ နာမည်ပြောင်ရှိတဲ့ အဲဒီဗုံးတစ်လုံးတည်းကြောင့် လူဦးရေ ၃ သိန်း ၂ သောင်းရှိတဲ့မြို့မှာ လူ ၈ သောင်းဟာ အချို့ပွဲချင်းပြီး သေဆုံးသွားသလို အချို့လည်း ပြင်းထန်တဲ့ ဒဏ်ရာမျိုးစုံနဲ့ အရေးပေါ် ကုသခံကြရပါတယ်။

ဒီဗုံးကိုကြဲချခဲ့တဲ့ Tibbets ဟာ ပြီးခဲ့တဲ့ ကြာသာပတေးနေ့ နိုဝင်ဘာလ ၁ ရက် အသက် ၉၂ နှစ်အရွယ်မှာ အိုဟိုင်းယိုး ပြည်နယ်နေအိမ် မှာ ကွယ်လွန်ခဲ့ပြီ ဖြစ်ပါတယ်။ ဒါပေမယ့် သူဟာ သေသည့်တိုင်အောင် သူကြဲချခဲ့တဲ့ Atomic Bomb အပါအဝင် ဘယ်လုပ်ရပ်အတွက်မှ စိတ်မကောင်းခြင်း၊ နောင်တရခြင်းကို ထုတ်ဖေါ်မပြောဆိုခဲ့သလို ဂျပန်တွေကိုလည်း တောင်းပန်ခြင်း မလုပ်ခဲ့ပါဘူး။ “ ကျုပ်က စစ်ကိုရပ်အောင် လုပ်လိုက်တာ။ လူတွေအချင်းချင်း သတ်နေကြဦးမယ့် စစ်ကိုတားဖို့ လုပ်လိုက်တာပါ ” လို့ ၂၀၀၃ ခုနှစ်က ဒေသသတင်းစာ Columbus Dispatch နဲ့ အင်တာဗျူးမှာ ပြောဖူးပါတယ်။ “ သူ့မှာ တောင်းပန်တာ၊ ငြင်းခုံတာတွေ မရှိဘူးဗျ။ ကျွန်တော်တို့ကလည်း သူ့လုပ်ရပ်ဟာ သန်းပေါင်းများစွာသော အမေရိကန်နဲ့ ဂျပန်လူမျိုးတွေ စစ်ဘေးသင့် သေဆုံးမယ့်အဖြစ်ကို တားဆီးရာ ရောက်မရောက်ဆိုတာ အငြင်းအခုံ မလုပ်လိုပါဘူး။ ဒါပေမယ့်ဗျာ လူသားတစ်ယောက် အနေနဲ့ သူဘာလုပ်လို့ ဟီယိုရှီးမားမြို့ကြီး ဘာဖြစ်သွားခဲ့တယ်ဆိုတာ ကိုယ်တိုင်ကိုယ်ကျ လာကြည့်စေချင်တယ် ” လို့ ဂျပန်အခြေစိုက် အနုမြူနှင့် နူကလီးယားဗုံးဆန့်ကျင်ရေးအဖွဲ့ တွဲဘက်ဥက္ကဌ Mr. Nori Tohei (အသက် ၇၉နှစ်) က သတင်းဌါနတစ်ခုကို ပြောပါတယ်။

Paul Tibbets ကိုယ်တိုင်လက်မှတ်ရေးထိုးပေးခဲ့သော သူနှင့်လက်စွဲတော် Enola Gay ဓါတ်ပုံ

Tibbets ဟာ ဗုံးကြဲချအပြီးမှာ လေယာဉ်ကို ၁၅၅ ဒီဂရီလှည့်ပတ်ပျံသန်းရင်း “ မင်းတို့ကို ကမ္ဘာ့ပထမဆုံး A-bomb လေး ကြဲပေးခဲ့ပြီကွာ ” လို့ ကြွေးကြော်ခဲ့တယ်လို့ သူကိုယ်တိုင် ပြောကြားခဲ့ပါတယ်။ အထူးလျှို့ဝှက်စီမံကိန်းဖြစ်တဲ့ မန်ဟတ်တန် ပရော့ဂျက်မှာ ပါဝင်ခွင့်ရတဲ့ ထိပ်တန်းစစ်အရာရှိအနည်းငယ်ထဲမှာ Tibbets ဟာ ရေတပ်အရာရှိ William နဲ့အတူပါဝင်ခွင့်ရခဲ့ပါတယ်။ ဟီယိုရှီးမား ကို ဗုံးကြဲအပြီး ၃ ရက်အကြာမှာ နာဂါဆာကီမြို့ပေါ်ကို နောက်ထပ်တစ်လုံးထပ်ကြဲပြီး လူ ၄ သောင်းခန့်ကို ပျက်စီးစေပြန်ပါတယ်။ အကျိုးဆက်အနေနဲ့ ရက်အနည်းငယ်အတွင်းမှာပဲ ဂျပန်တွေ အကြွင်းမဲ့လက်နက်ချပြီး စစ်ကို အဆုံးသတ်စေခဲ့ပါတယ်။ စိတ်မကောင်းပါဘူးလို့ တဖွဖွပြောနေပေမယ့် စစ်နိုင်တဲ့အတွက် ဂုဏ်ယူနေတဲ့ အမေရိကန်တွေဟာ ၁၉၇၆ ခုနှစ် တက္ကဆက်ပြည်နယ် လေကြောင်းသရုပ်ပြပွဲမှာ ဟီယိုရှီးမားကိုဗုံးကြဲတဲ့ပုံစံအတိုင်း မှိုပွင့်ပုံပေါက်ကွဲမှုတစ်ခု လုပ်ပြခဲ့ပါသေးတယ်။ B29 လေယာဉ်နဲ့ပါပဲ။ အပြင်းအထန်ဒေါသထွက်သွားနေတဲ့ ဂျပန်တွေကို အိမ်ဖြူတော်အစိုးရက တရားဝင်တောင်းပန်ခဲ့ရပါတယ်။


၁၉၁၅ ခုနှစ်မှာ မွေးဖွားခဲ့တဲ့ Tibbets ဟာ အသက် ၁၂ နှစ်အရွယ်မှာ ကတည်းက လေယာဉ်မောင်း နေခဲ့ပေမယ့် သူ့မိဘတွေက ဆရာဝန် ဖြစ်စေချင်တာကြောင့် ဆေးကျောင်းမှာ နှစ်ရှည်လများ အချိန်ဖြုန်း ခဲ့ရပါသေးတယ်။ ၁၉၃၇ မှာတော့ အမေရိကန် Army Air Corps မှာ စာရင်းပေးပြီး စစ်ထဲဝင်ခဲ့ပါတယ်။ သူဟာ နာဇီတွေနဲ့ တိုက်ခိုက်တုန်းကလည်း ဥရောပတိုက်မကြီး၊ အင်္ဂလန်နဲ့ အယ်လ်ဂျီးရီးယား ဒေသတွေပေါ်မှာ ကြိမ်ရေများစွာ ပျံသန်းတိုက်ခိုက်ပေးခဲ့ပါသေးတယ်။ ၁၉၄၃ မှာ သူ့ကို ပြဿနာထွေတဲ့ B29 ဗုံးကြဲလေယာဉ် မောင်းနှင်ဖို့ စမ်းသပ်ကြပြီး ၁၉၄၄ မှာ လက်ရွေးစင် လေယာဉ်မောင်းဖြစ်လာခဲ့ပါတယ်။ ၁၉၄၅ သြဂုတ်လ ၅ ရက်နေ့မှာ သမ္မတ ထရူးမင်းက ဂျပန်ကို ဗုံးကြဲဖို့အမိန့်ကို လက်မှတ်ရေးထိုး အတည်ပြုပေးခဲ့ပြီး အဲဒီနေ့လယ်ခင်းမှာပဲ ဗုံးကြဲလေယာဉ်ကို Tibbets မောင်းရမယ်လို့ သူကိုယ်တိုင် ရွေးချယ်ပေးခဲ့တာဖြစ်ပါတယ်။

သူတာဝန်က အနားယူချိန် ၁၉၆၆ မှာ ဗိုလ်မှူးချုပ်ရာထူးရယူထားခဲ့ပါတယ်။ ၁၉၇၀ မှာ Executive Jet Aviation ( All-jet Air Taxi Service ) မှာ ဝင်ရောက်လုပ်ကိုင်ခဲ့ပြီး ၁၉၈၂ မှာ ဘုတ်အဖွဲ့ရဲ့ ဥက္ကဌဖြစ်လာခဲ့ပါတယ်။ ကွယ်လွန်ချိန်မှာ ဒုတိယဇနီးနဲ့ သားသုံးယောက်ကျန်နေခဲ့ပြီး သူဟာ လွန်ခဲ့တဲ့ ၂ လလောက်ကတည်းက လူကြီးရောဂါမျိုးစုံကို ခံစားနေခဲ့ရပါတယ်လို့ သူ့မိတ်ဆွေအရင်းအချာတစ်ယောက်က ပြောပါတယ်။ “ သူသေရင် အသုဘ အခမ်းအနားမလုပ်ပါနဲ့တဲ့။ နောက်ပြီး အုတ်ဂူလေး၊ မှတ်တိုင်လေးတွေလည်း မလုပ်စေချင်ဘူးတဲ့။ လူတွေ လာလာပြီး ဆန္ဒပြကြမှာ စိုးလို့တဲ့လေ ” လို့ သူ့မိတ်ဆွေက ဆက်ပြောပါတယ်။ ၂၀၀၅ ခုနှစ်တုန်းကတော့ သူသေရင် သူ့ပြာတွေကို အင်္ဂလိပ်တူးမြောင်းပေါ်မှာ ကြဲချပေးဖို့ ပြောဖူးပါသေးတယ်။ အဲဒီနေရာဟာ စစ်အတွင်းက သူ လေသူရဲဝတ်စုံကြီး အပြည့်အစုံဝတ်ပြီး ခက်ထန်တဲ့စိတ်နဲ့ ပစ်မှတ်ဆီပျံသန်းနေရင်းမှာတောင် မကြည့်ဘဲမနေနိုင်အောင် စွဲဆောင်နိုင်ခဲ့တဲ့ လှပလွန်းတဲ့နေရာပါလို့လည်း အမှတ်တရပြောသွားခဲ့ပါတယ်။

ဒါကတော့ မှန်တယ်ထင်လို့ လုပ်ခဲ့တဲ့ လုပ်ရပ်အတွက် ဘယ်သူတွေ ဘယ်လောက်လက်ညှိုးထိုးထိုး မပြောင်းမလဲ ရပ်တည်ခဲ့တဲ့ လေသူရဲကြီးတစ်ယောက်ရဲ့ ဇာတ်လမ်းအကျဉ်းပါ။ ကျွန်တော်တို့လည်း ကိုယ့်လုပ်ရပ်အတွက် အတွက်အခုလို ခိုင်ခိုင်မာမာ ရပ်တည်နိုင်ဖို့ ကြိုးစားကြရအောင်။

ဝန်ခံချက်။ ။ Nov 3, 07 နေ့ထုတ် Today သတင်းစာပါ “A-bomb pilot had no regrets till dying day” ဆောင်းပါးကို မှီငြမ်း ရေးသားပါသည်။

T3 ၊ A380 ၊ လီကွမ်ယူး၊ ဂျော့ရီယို နှင့် မှတ်ချက်တစ်ခု

စင်ကာပူ ချန်ဂီလေဆိပ်ရဲ့ လေယာဉ်ချဉ်းကပ်ဂိတ် အမှတ် ၃ ( Terminal 3 ) ကို လာမယ့် ဇန်နဝါရီလ ၉ ရက်နေ့မှာ အခမ်းအနားနဲ့ ဖွင့်လှစ်ဖို့ ရှိပါတယ်။ အခု T3 ဟာ လေဆိပ်အဆောက်အအုံကို ဗဟိုပြုပြီး Terminal 2 နဲ့ ဆန့်ကျင်ဘက် အနေအထားမှာ ရှိပါတယ်။ စင်ကာပူဒေါ်လာ ၁.၇၅ ဘီလျံအကုန်အကျခံပြီး တည်ဆောက်ထားတဲ့ ဒီအဆောက်အဦးဟာ စတုရန်းမီတာ သုံးသိန်းရှစ်သောင်း ကျယ်ပြီး တစ်နှစ်ကို ခရီးသည် သန်း ၇၀ အဝင်အထွက်လုပ်ပေးနိုင်ပါတယ်တဲ့။ မြေပေါ် ၄ ထပ်၊ မြေအောက် ၃ထပ်၊ စုစုပေါင်း အထပ် ၇ ထပ်မှာ မြို့ငယ်လေးတစ်မြို့လို လိုအပ်တာမှန်သမျှ ဖြည့်သွင်းထားပြီး တကယ်လို့ သင်ဟာ လေယာဉ်အဆင်းအတက်လေးတွေကို ခံစားချင်သူဆိုရင် မြေပေါ် ၄ လွှာရဲ့ ခေါင်မိုးပေါ်ကနေ ခံစားနိုင်ပါသေးတယ်။ ဒီ T3 ရဲ့ အဓိက အားသာချက်ကတော့ ထူးခြားခေတ်မီတဲ့ အမိုးတွေပဲဖြစ်ပါတယ်။ သဘာဝအတိုင်း ဘာမှမရှိလို့ အမြဲတမ်းပြုပြင်ဖန်တီးရလေ့ရှိတဲ့ စင်ကာပူတွေဟာ နေရောင်ခြည်ကိုတော့ မရ ရတဲ့နည်းနဲ့ အဆောက်အဦးထဲကို သွင်းမှာဖြစ်ပါတယ်။ နေရောင်ခြည်ကျရောက်နေတဲ့ အနေအထားကိုကြည့်ပြီး ရောင်ပြန်ပြားလေးတွေက လေဆိပ်ထဲကို နေရောင်ရအောင် အလိုအလျောက် ရွှေ့ပြောင်းပေးမှာပါတဲ့။ ဒါပေမယ့် ပြင်ပကလို နေပူကြီးထဲ လမ်းလျောက်နေရသလိုဖြစ်မှာမဟုတ်ဘဲ နူးညံ့ပြီး နွေးထွေးတယ်ဆိုရုံလေးနဲ့ သဘာဝအလင်းရောင်ကို အပြည့်အဝရရှိမှာ ဖြစ်ပါတယ်။ နောက်ထပ်ထူးခြားတာကတော့ Vertical Garden လို့ ခေါ်တဲ့ အထပ်ငါးထပ်အမြင့်နဲ့ မီတာ ၃၀၀ ရှည်တဲ့ ဥယျာဉ်ကြီးပါ။ ခရီးသည်တွေအနေနဲ့ သူတို့ရဲ့ Luggage အိတ်တွေထွက်လာတာကို စောင့်နေရတာနဲ့ မတူဘဲ ဓါတ်ပုံရိုက်ဖို့ အချိန်ပေးထားတာနဲ့ တူမှာပါလို့ ဆိုပါတယ်။

ထူးခြားတဲ့အမိုး၊ Vertical Garden နဲ့ လေဆိပ်တွင်း အခင်းအကျင်း

စင်ကာပူအနေနဲ့ တစ်စင်းပဲ ဝယ်ရသေးတဲ့ ကမ္ဘာ့အကြီးဆုံးနဲ့ အကောင်းဆုံး A380 Airbus လေယာဉ်ကြီး ၈ စင်းလည်း တပြိုင်တည်း ဆိုက်ကပ်နိုင်ပါတယ်။ လက်ရှိသုံးနေတဲ့ T1 နဲ့ T2 ကိုသွားချင်သူတွေအတွက် သုံးနေကျ Sky Train လေးတွေရှိမှာဖြစ်ပြီး အဲဒီမှာတော့ ထူးထူးခြားခြားတင်ဆက်ထားတာ မရှိပါဘူး။ ဒါတွေကတော့ Terminal 3 ရဲ့ အချက်အလက်လေးတွေဖြစ်ပြီး ဒီလိုခမ်းနားလှတဲ့ လေဆိပ်ကြီးကို မနေ့က စင်ကာပူခေါင်းဆောင်ကြီး လီကွမ်ယူးကိုယ်တိုင် လာရောက်ကြည့်ရှုခဲ့ပါတယ်။

လီကွမ်ယူး (ဝန်ကြီးချုပ်အဖြစ် ထမ်းဆောင်စဉ်က)

လက်ရှိဝန်ကြီးချုပ်ထက်ပိုပြီး ရိုသေခံရတဲ့ ခေါင်းဆောင်ကြီးဟာ အဆောက်အဦးအသစ်ကို လှည့်ပတ်ကြည့်အပြီးမှာ “ သိပ်ကောင်းပါတယ်။ ခေတ်မီတယ်၊ အဆင်ပြေတယ်၊ နောက် ရင်သပ်ရှုမောစရာပါ။ စင်ကာပူဟာ ခရီးသွားတွေကို ဆွဲဆောင်ဖို့နဲ့ ပြိုင်ပွဲရဲ့ နောက်ထပ်အဆင့်တစ်ခုကို ရောက်ခဲ့ပါပြီ ” လို့ ချီးကျူးပြောဆိုလိုက်ပါတယ်။ တဆက်တည်းမှာပဲ “ ပြိုင်ပွဲဆိုတာမျိုးက အဆုံးမရှိဘူးဗျ။ ဒီနေ့ ကျုပ်တို့ Terminal အသစ်တစ်ခု ဆောက်လိုက်တယ်၊ နောက်နေ့မှာ အခြားတစ်ယောက်က လေဆိပ်သစ်ကြီးတစ်ခု ဆောက်နေလောက်ပြီ … ဒါမှမဟုတ် လေဆိပ်အဟောင်းကိုပဲ Terminal တွေ တိုးချင်တိုးနေမှာပေါ့ ” လို့ သတိပေးပြောဆိုလိုက်ပြီး ခေါင်းဆောင်တစ်ယောက်ရဲ့ အမြော်အမြင်ကို ပြလိုက်ပါတယ်။ “ ပြိုင်ပွဲဆိုတဲ့နေရာမှာ ကျုပ်တို့ဟာ ဘယ်လိုနေရာမျိုးမှာ ရှိလဲ၊ ဘယ်လို လေကြောင်းလိုင်းတွေ၊ ခရီးသည်တွေကို စွဲဆောင်ထားပြီလဲ ဆိုတာက အဓိကပါ။ သူတို့တွေက ခုလိုအဆောက်အဦးအသစ်တွေ အမြဲဆောက်လုပ်နေဖို့အတွက် သော့ချက်တွေပဲပေါ့ ” ဆက်ပြောပါတယ်။ ဒါ့အပြင် လေဆိပ်မှာ ပြင်ဆင်ထားတဲ့ တစ်လုံးကို စင်ကာပူဒေါ်လာ ၈၀၀ တန်တဲ့ ဆိုဖာထိုင်ခုံအလုံး ၃၀၀၀ ဟာ တန်ဖိုးနဲ့ညီမျှတဲ့ အကျိုးရလဒ်ရော ရှိရဲ့လားလို့ မေးခွန်းထုတ် ထောက်ပြသွားပါတယ်။

အဲဒီနောက်မှာတော့ ဒီရက်ပိုင်း စင်ကာပူတွေ သိပ်ဂုဏ်ယူနေတဲ့ A380 လေယာဉ်ကြီးပေါ်အထိ အသက် ၈၀ ကျော်နေပြီဖြစ်တဲ့ လီကွမ်ယူးက တက်ရောက်လေ့လာပါသေးတယ်။ အားလုံးလှည့်ပတ်ကြည့်အပြီးမှာ “ လေယာဉ်ကြီးကတော့ အံ့မခန်းပါပဲလားဟေ့။ ဒါပေမယ့် Emirates လေကြောင်းက ၄၅ စီးမှာထားတယ်ဆိုတာလည်း မေ့မထားကြပါနဲ့။ သူတွေဟာ ကျုပ်တို့ကို နမူနာကြည့်ပြီး ကျုပ်တို့ရဲ့အားသာချက်တွေကိုယူ၊ သူတို့ဖာသာ တိုးတက်အောင် လုပ်သွားကြလိမ့်မယ်။ မေးခွန်းထုတ်စရာမလိုတဲ့ ဒီစိန်ခေါ်မှုအတွက် စင်ကာပူတွေ ပြင်ဆင်ထားကြပါ ” လို့ စင်ကာပူကို တံငါရွာဘဝက ဆွဲတင်ခဲ့တဲ့ ပုဂ္ဂိုလ်ကြီးကပြောပါတယ်။ တချိန်က ပင်လယ်ဘေးမှာ တဲကလေးတွေထိုး၊ ငါးမျှား၊ အနီးအနားလိုက်ရောင်းနေရတဲ့ မလေးရှားနယ်ပိုင် စင်ကာပူကို အခုလို ကမ္ဘာ့ပထမဆုံးဆိုတဲ့ အလုပ်တွေ၊ ကမ္ဘာ့ အကောင်းဆုံးဆိုတဲ့ အရာဝတ္ထုတွေ ရောက်လာအောင် ဖန်တီးပေးခဲ့ပါပြီ။ သူဝန်ကြီးချုပ်ဖြစ်ခါစက အားကျခဲ့တဲ့ ဒေသတွင်းပြိုင်ဘက်ဟောင်း ဗမာပြည်အတွက် သူ့ရဲ့ နိုင်ငံခြားရေးဝန်ကြီးပေးတဲ့ မှတ်ချက်ကလည်း ငြင်းရခက်ပါတယ်။

နိုင်ငံခြားရေးဝန်ကြီး George Yeo (ဘယ်ဘက်)

“ အခြားဒေသတွင်း နိုင်ငံတွေ ရှေ့ဆက်ချီတက်နေကြတုန်းမှာ ဗမာပြည်က နောက်ပြန်ဂီယာကြီးနဲ့လေ ” လို့ စင်ကာပူမှာ ၂ ရက်ကြာကျင်းပနေတဲ့ Asian Globalization Conference ကို အောက်တိုဘာ ၂၂ ရက်နေ့က လူသိရှင်ကြား ထုတ်ဖေါ်ပြောကြားလိုက်တာပါ။ ကဲ … တံငါသည်တွေကတော့ တို့ကို ပြောကုန်ပြီ။

တချိ်န်က စင်ကာပူ