Globalization အစစ်
Globalization ဟုခေါ်သော ကမ္ဘာ့ရွာခေတ်ကြီးတွင် လူနှင့် တိရစ္ဆာန်တို့သည် ဘာသာစကားတစ်မျိုးတည်းသာ ပြောကြတော့၏။ လူစကားများကို တိရစ္ဆာန်များက နားလည်လာရုံသာမက ပြောပါပြောတတ်လာကြလေ၏။ နိုင်ငံများ ပိုင်းခြားထားခြင်းလည်း မရှိတော့ပေ။ အားလုံးပြောကြသော ဘာသာစကားမှာ ထုံးစံအတိုင်း ဗမာစကားပင် ဖြစ်လေ၏။ အောက်ဖေါ်ပြပါ အကြောင်းအရာမှာ ဤ Globalization ခေတ်အတွင်းမှ အလုပ်ခေါ် Interview တစ်ခုပင်ဖြစ်လေ၏။ နေရာကား တချိန်က ပြင်သစ်ဟု လူများသိခဲ့သော၊ ယခု ပျဉ်သစ်ကြီး ရပ်ကွက်အတွင်းတွင် ဖြစ်ပါတော့သတည်း။
“ လျှောက်ထားသူ အမှတ် ၃၉၈၄ ”
“ လာပါပြီခင်ဗျ ”
ဖားတစ်ကောင်က ပုရွက်ဆိတ် တစ်ကောင်ကို ကျောပေါ်တင်၍ ဝင်လာ၏။
“ ဟေ့ မင်းတို့က ဘာလို့နှစ်ယောက်ဝင်လာတာလဲ ”
“ အလုပ်လျှောက်တာက ကျွန်တော်ပါ။ ဒီ ပုရွက်ဆိတ်က ကျွန်တော်နဲ့ အလုပ်တွဲလုပ်မှာပါ။ သူ့ကို လခပေးစရာမလိုပါဘူး။ သူပါမှ ကျွန်တော် တာဝန်တွေ ထမ်းဆောင်နိုင်မှာပါ။ ”
“ တော်တော်ရှုပ်တာပဲ။ အေး … ထားပါတော့။ မင်းလျှောက်တဲ့ ရာထူးက မိုးလေဝသခန့်မှန်းသူနော် ”
“ ဟုတ်ပါတယ်။ ကျွန်တော်တို့က ဘီဘီစီ မှာ သုံးနှစ်လုပ်ဖူးပါတယ်။ လူတွေကို ခန့်ထားတာထက် ကျွန်တော်တို့ကို ခန့်ထားရင် လစာပေးရတာ သက်သာမယ်။ မိုးရွာမယ်၊ နေပူမယ်၊ လေတိုက်မယ်ကို တိတိကျကျ ခန့်မှန်းပေးနိုင်ပါတယ်။ ကျွန်တော့်မိတ်ဆွေ ပုရွက်ဆိတ်ကြီးကတော့ မိုးရေချိန်ဘယ်လောက်တက်မယ်ဆိုတာကအစ ပြောနိုင်ပါတယ်။ သူတို့ ပုရွက်ဆိတ်မျိုးရိုးတွေဟာ ဒါတွေခန့်မှန်းပြီးပဲ နေအိမ်တွေ ပြောင်းရွေ့ရှင်သန်လာခဲ့ကြတာ လူကြီးမင်းလည်း အသိပါပဲ ”
ဖားကျောပေါ်မှ ပုရွက်ဆိတ်က လည်စည်းကို ဆွဲဆန့်ရင်း
“ ဟုတ်ကဲ့။ ကိုဖားကြီးပြောသလိုပါပဲ … ကျွန်တော်တို့ နှစ်ယောက်ပေါင်းရင် တိကျတဲ့ခန့်မှန်းချက်တွေ ရရှိမှာပါ။ လွန်ခဲ့တဲ့ နှစ်သုံးရာလောက်က ဖြစ်သွားတဲ့ ဆူနာမီရေဘေးကို ပထမဆုံးသတိထားမိတာလည်း ကိုဖားကြီးတို့ ဘိုးဘေးတွေပါ။ သူတို့အော်ပြောတာကို အဲဒီတုန်းက ခပ်ညံ့ညံ့လူတွေ နားမလည်လိုက်လို့ ပျက်စီးမှုတွေ ဖြစ်ရတာပါ။ ဒါ့အပြင် … ”
“ တော်ပါပြီ ကိုပုရွက်ဆိတ်ကြီးရယ်။ ပြန်နိုင်ပါပြီ။ အကြောင်းရှိရင် ပြန်အဆက်သွယ်ပါ့မယ်။ နောက်တစ်ယောက် … ”
ဖားနှင့် ပုရွက်ဆိတ် ထွက်သွားပြီး ကြီးမားသော ခွေးနက်ကြီးတစ်ကောင်ဝင်လာလေ၏။
“ ကဲ … နာမည်ပြော ”
“ အာနိုးဗန်ဒိန်းဒိုဗာဟိန်းပါ။ မျိုးရိုးက ဒိုဗာမင်။ ဂျာမနီရပ်ကွက်မှာ နေပါတယ်။ လျှောက်ထားတဲ့ ရာထူးက လုံခြုံရေးမှူးပါ ”
“ အင်း … နေရာနဲ့ အကောင်နဲ့တော့ လိုက်ပါတယ်။ မင်းကို နေစရာပေးရမှာလား ”
“ ပေးရင်ပိုအဆင်ပြေပါတယ်။ လုံခြုံရေးဆိုတာ .. ”
“ လေမရှည်ပါနဲ့တော့။ သိပါတယ်။ မင်းမိသားစု ကရော… ”
“ သူတို့ကတော့ ကျွန်တော်အလုပ်ရရင် လေယာဉ်နဲ့လိုက်လာမှာပါ။ ကျွန်တော်က တော်သလင်းလမရောက်ခင် လှမ်းခေါ်မယ်လို့ ပြောထားပါတယ် ”
“ ဟုတ်ပြီလေ။ ကဲ … သွားတော့။ နောက်တစ်ယောက် ..”
ဒိုဗာမင်ခွေးကြီးက နောက်ခြေနဲ့ နားရွက်ကိုလှမ်းကုတ်ရင်း ထွက်သွား၏။ ပျံလွှားတစ်ကောင် အရှိန်ပြင်းပြင်းပျံရင်း ဝင်လာပြန်၏။
“ ဝှီး .. ဖလူး ဖလူး ”
“ သောက်ပလုတ်တုတ် … ဖြေးဖြေးလုပ်ပါဟ။ မင်းက ဘာလာလျှောက်တာလဲ ”
“ ကျွန်တော်က စာပို့လုလင်လာလျှောက်တာပါ ”
“ ဘာကွ … ဒီလောက် တိုးတက်နေတဲ့ ခေတ်မှာ ငှက်နဲ့ စာပို့ရမတဲ့လား ”
“ မှန်ပါတယ်။ လူကြီးမင်း ရုံးထိုင်တဲ့ ပျဉ်သစ်ကြီးမှာ မီးမှန်ပေမယ့် ဒဂုံဘက်မှာ မီးပျက်နေတော့ လျှပ်စစ်သုံးစာပို့စနစ်က သိပ်မထွန်းကားသေးပါဘူး။ အဲဒီ Department ဘက်ကို လာလျှောက်တာပါ ”
“ အင်း … မဆိုးပါဘူး။ မင်းက မြင်တတ်သားပဲ။ မင်းအမြန်နှုန်းကရောကွာ … ”
“ ကျွန်တော် ဒဂုံနဲ့ နယူးယောက်ကို တိုကျိုမှာ ခဏနားပြီးသွားရင် ၁ နာရီကြာပါမယ်။ လောင်စာအနေနဲ့ ဘီအီး ၁ လုံးချသွားရပါမယ် ”
“ အော်… မြန်သားပဲ။ မင်းကတော့ ခန့်ထားဖို့ များပါတယ်။ ကဲကဲ ပြန်လိုက်ဦး။ ပြန်ဆက်သွယ်မယ်။ နောက်တစ်ယောက် … ”
ပျံလွှားက ဝင်လာသော အပေါက်မှပြန်မထွက်တော့ဘဲ ပြတင်းပေါက်မှပင် ပျံထွက်သွားလေ၏။ ထို့နောက် လဒကြီး တစ်ကောင်ဝင်လာပြန်၏။ Interviewer က မျက်နှာကိုရှုံ့မဲ့ရင်း …
“ မင်းကရော ဘာအတွက်လဲ ”
“ ကျွန်မက သန့်ရှင်းရေးအတွက်ပါ ”
“ လုပ်စမ်းပါဦး … ”
“ ကျွန်မတို့က ရာဇဝင်နဲ့ချီပြီး သန့်ရှင်းရေးလုပ်လာကြတာပါ။ ဘယ်လိုအညစ်အပတ်မျိုးကိုမဆို သန့်ရှင်းအောင် လုပ်နိုင်ပါတယ်။ လူသေအပုပ်အပွ တွေကိုတောင် … ”
“ ဝေါ့ .. တော်ပါတော့ဟာ။ ကဲကဲ သွားတော့ ”
ထိုစဉ် တံခါးစောင့် ယုန်တစ်ကောင်က လှမ်းအော်လိုက်၏။
“ M.D လာပါပြီ ”
“ ဟေ.. ဟုတ်လား။ အင်တာဗျူးတွေ ခဏနားမယ်။ ငါ သွားကြိုလိုက်ဦးမယ် ”
Interviewer လူကြီးက ပုဆိုးပြင်ဝတ်ပြီး ထထွက်သွားလေ၏။ အကောင်းစား ဟယ်လီကော်ပတာကြီးပေါ်မှ Company M.D ဆိုသူ စက်ရုပ်ကြီး တစ်ရုပ်ဆင်းလာလေတော့သတည်း။
်
3 comments:
hahaha.. =) nice post.. mg pooh..
တစ်ပုဒ်ဆို တစ်ပုဒ် ပြောင်မြောက်ပါပေတယ် ဆြာပွတ်ရယ်း)
ဘိုးဘွားစဉ်ဆက် မပြတ်ကွပ်ဘဲ လိုဏ်ဂူတူးနေပြီး အခု M.D လာတော့ နောက်နေ့မှ လာတွေ့ ပါတဲ့ ။ ယုန်အောင်ပြောလို့ ကြွက်တစ်ကောင် ပြန်ခဲ့ ရသည်။
Post a Comment